الاثنين، 19 يوليو 2010

يا تلفزيوناااااااااااتك يا مصر



اليومين دول شغالين بيحتفلوا باليوبيل الذهبى للتلفزيون المصرى

و ده بيواكب الاحتفال باول ارسال للتلفزيون سنه 1960

و طبعا شغالين يذيعوا تراث التلفزيون من برامج و تمثيليات

الحاجات دى انا بعشقها قوى

انا باعشق كل ما هو ابيض و اسود

و بصراحه اللى انا شايفاه انه على الرغم من قله الامكانيات زمان

الا ان التمثيليات و البرامج كانت جميييييييله قوى

و الواحد اما يشوفها بيطلع منها بحاجه

عكس القرف اللى بنشوفه اليومين دول

كلها برامج و تمثيليات تجيب تخلف عقلى من الدرجه ااولى تكييييييييييف

امبارح كان فيه حلقه من برنامج العاشره مساء و كانت منى الشاذلى

مستضيفه محمود سلطان و كان عمال يتكلم و يحكى عن ذكرياته فى التلفزيون

قد ايييييييه الناس دى كانت محترمه و جميله

و قدرت تقدملنا حاجات حلوه قوى نفتكرهم بيها مهما الزمن يعدى

برضه فاكرينهم و بنحترمهم و نقدرهم

اللى مزعلنى قوى ان التلفزيون المصرى فى الوقت الحالى

بقى دون المستوى بطريقه تحزن و تدعو للاسى

انا ساعات بيعدى عليا شهوووووووووووور من غيير ما افكر

انى اجيب القناه الاولى او التانيه

مش بجيبها الا اما الرسيفر يعطل و ميبقاش قدامى غيرهم

و انا باكتب البوست افتكرت ماما نجوى و بقلظ

و قد ايه كنا بنفرح اما نتفرج عليهم

افتكرت هند ابو السعود و برنامج جوله الكاميرا اللى كان بيجى يوم الاحد

افتكرت نافذه حول العالم

افتكرت حكاوى القهاوى

و برامج كتييييييييييير تانى

اثرت فينا و حبيناها و ارتبطنا بمقدميها

نفسى بجد يرجعوا يعيدوا البرامج دى كلها

و فى اخر البوست احب ابعت تحيه خاصه للراحل الكابتن عادل شريف

اللى حببنا فى لعبه التنس و عرفنا بابطالها

و حكالنا تاريخ بطولاتها زى رولان جاروس فى فرنسا

وويمبلدون فى انجلترا

و يا سلام على مصطلحااااته التنسيه اللى كانت بتضحكنا

زى الكره القصيره المكيره

و الكره مستديره نتائجها احيانا قريره و احيانا مريره

و كره لا تصد و لا ترد

الراجل ده من اكتر الناس اللى اثرت فيا و حبيته و كنت

بانتظر البطولات دى عشان اسمع تعليقاته اللى كانت تجنن

الله يرحمك يا كابتن عادل و يرحم ايامك الجميله


هناك 25 تعليقًا:

adel يقول...

كابتن عادل مات
ما انا اهون حي ازرق و احمر
:):):)

انا تابعت اخبار القناة بس لسه مظبتهاش
اكيد هاشوفها

sony2000 يقول...

الله يرحمهم
جميعا
اللهم امين

Alaasalim2 يقول...

السلام عليكم

فعلا معاكي حق زمان كان فيه حاجات ذات قيمه بتتقدم على التليفزيون المصري
كانوا بيفكروا في القيمة اللي هاتعود على المشاهد
أما الآن فأصبح كله هلس في هلس
بس الحمد لله إن بقت فيه قنوات أخرى نعرف نشوف فيها أشياء مفيدة

حاجات جوايا يقول...

التليفزيون المصرى الارضى عفا عليه الزمن من زمان
انا زيك برضه مش بشوفه خالص الا فى الطوارئ
حتى الفضائية المصرية مش بقلب عليها غير وقت برنامج مصر النهارده
ومش دايما كمان عشان فيه برامج اهم
مش عارفة تليفزيون عريق زى التليفزيون المصرى ليه ميجددش اساليبه ويكون جاذب للمشاهدين زى باقى القنوات
ده حتى لما بيكون فيه ماتش بينزلوا اعلانات بطريقة مستفزة فجأة وسط الماتش يسودوا الشاشة ويجيبوا بانر الاعلان بصوت عالى وبعدين يرجعوا


حتى الاذاعة المصرية نفس الموضوع ونفس الاغانى اللى سمعتيها من 10 ومن 15 سنة تلاقيها هى هى بين الفواصل
ويوم ما يجددوا يجيبوا مقطع واحد او يقعدوا يتكلموا والاغنية شغالة
حاجة غريبة جدا

معرفش عادل شريف
بس ربنا يرحمه ويغفرله

تحياتى يا قمر

Ramy يقول...

ياااه فكرتينى بحاجات جميلة جدا جدا

صحيح مكنش فيه أمكانيات بس التلفزيون بيقدم حاجات أحلى بجد

زى ألف ليلة و ليلة بمناسبة رمضان كل سنة و انت طيبة

مش عارف دلوق مفيش الف ليلة و لا فية زوزو نبيل الله يرحمها

بجد بوست هايل رجعنا لسنين بحبها

تسلك ايدك

بالتوفيق دايما

لــــ زهــــــراء ــــولا يقول...

يا دكتوره
انتى بتفتكرى ايام زمان فى التى فى وتتحسرى عليها عاوزه اقولك ان كل حاجه زمان كان لها طعم ولون وريحه سؤال بجد ومش هزار الفاكهه الايام دى يارتى طعمها هو طعم زمان نوووووووو طبعا رغم اننا مش كبار فى السن يعنى بس نقعد نقول يرحم زمان وليالى زمان
تعالى اتفرجى على القناه الاولى او التانيه وصباح العته والهبل يا بنتى المذيعه مش بتفرق اذا كانت بتظهر فى برنامج صباحى او مسائى الميك اب كانها رايحه فرح دى ابسط حاجه او حتى لبسهم حاجه بجد تجنن
فكرتنيى ببرنامج صباح الخير وبقلظ وجه فى فتره عملته يوم الخميس وكان اسمه مساء الخير واحتفالات التليفزيون بعيد الطفوله والاوبريت اللى تقدمه صفاء ابو السعود
يااااااااااااااااه ده الواحد شاف كتير حتى اعلانات التى فى زمان كان لها طعم غير دلوقتى خالص مالص
يلا يرحم زمان وليالى وزمان
كل يوبيل ذهبى وانتى بخير

زهــــــراء

Tarkieb يقول...

هو التليفزيون بس اللي باظ ده الراديو كان تحفه ....اغرب القضايا...على فايق زغلول ٧٤٧١٢٠ اذاعه مش معقول خمسة فرفشة....كل حاجة باظت في مصر....خموووووول ..خموووووول والله كنت زمان بافخر بنضافة مترو الانفاق بقى خرابة ....هو كمان...التليفزيون كان قوي عشان كلهم جايين م الراديو القوي

غير معرف يقول...

التليفزيون زمان كان تحفه ... لغايه ما اتملى باصحاب الكوسه وانصاف الموهوبين

تحياتي

حروف يقول...

انا مشغله القناه ديه ليل نهار شفت مها صبري واغنيه امسكوا الخشب ومسلسل الضحية وكمان اول مرة اشوف فايزة احمد بتغني هان الود وبرنامج زيارة في بيت نيللي وحسام الدين ياااه حاجات بقعد كدة اتفرج في صمت وبحلقة وتركيز تام ياريت يجيبوا الحاجات دية نتفرج عليها من تاني

لــــ زهــــــراء ــــولا يقول...

يااااااه فكرتيني بايام زماااااااان وبوجي وطمطم والمخرج رحمي وصباح الخير ومساء الخير ولوحة الشرف مع ماما نجوى وفوازير نيللي مع المخرج فهمي عبد الحميد وبرنامج حياتي والفنان الصغير مع الفنان ماجد وووو....... الله عليكي وعلى مواضيعك التحفة
لـــولا

Unknown يقول...

البقاء لله فى الاولى والبقية فى حياتك بالنسبة للتانية

Noha Saleh يقول...

زمان التليفزيون كان جميل اوى ايام اغانى صفاء ابو السعود وبرامج الاطفال وعالم البحار وسر الارض كفاية اوى انها بتفكر الواحد بأجمل ايام العمر
ياريت القناة الجديدة تجيب الحاجات دى
التلفزيون دلوقتى شىء ماسخ جدا والقنوات كلها بتقلد بعض

سمكه واحده يقول...

طب تصدقي بالله يا عندما نحب
(.
ان انا حبيت شربه الخضار من برنامج ماما نجوي والواد بقلظ والله غيرت لما كان بياكلها فحبيت اقلده رغم اني مكنتش بحب اشربها بس حبيتها عشان يعني هو بقلظ هيبقي اشطر مني ويكبر قبلي

واللي افتكره اوووووي هو بونوكيو
اللي يكدب منخيره تطول يفضل يكدب منخيره تطول تطول فكنت بخاف من الكدب اوي وانا صغيره ولما كبرت افتريت عوضت النقص
بموووووووووت في حاجه اسمها كدب
هههههههههه
احلي برامج واحلي مسلسات فعلا

حلم بيعافر يقول...

اللى خلاه بالمستوى اللى موجود عليه دللوقتى المسئولين عنه

FAW يقول...

هو التليفزيون لسه بيذيع حاجه أصلا !!!!

سواحة يقول...

لولة
انت هنا و لا هناك
تصدقى قاعدة بلف الواحد يخاطبك فى ايه مدونة يا مدوخانى

المهم انا جيييييييييييييييت
الحق اقولك وحشتينى قبل ما بابا يقومنى من علىالنت :-) و الكومبيوتر و يبعتنى مشوار :-))

شكلك بتصيفى اكيد
اهو لما ترجعنى و تستقرى على رمضان ابقى احاول اغلس عليكى فى موضوعاتك الرمضانية الجديدة

القناة التلفزيونية القديمة الجديدة :-) تصدقى شوفتها على تخاطيطف :-)
لما برجع و اقول امسك الريموت بابا و ماما بيشكسونى علشان ياخذواالريموت
ععععععععععععععععععععععععععععععععععععععععععععععععععععععععععععععععععععععععع

انا حطالب بالاستقلال الريموتى التام او النتى التام او السفر الزوام
:-)
طبعا انت مش فاهمة حاجة :-)) عادى عادى ما انا رجعت :-)

غير معرف يقول...

كل سنه وانتي طيبه يا جميله:)

عيد سعيد عليكي وعلى كل الاسره :)

وردة الجنة يقول...

كل حاجة فى مصر اتغيرت للاسف للاسوأ الفترات الاخيرة وكل حاجة كويسة اختفت

لانها كويسة نتمنى ان الزمن الجميل يرجع تانى بس بوجه جديد متطور يحببنا فيه

ويفضل معانا نحكى ذكرياته لاحفادنا واولادنا بعد كده

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

Unknown يقول...

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

أسواق أونلاين يقول...

جيد

أسواق أونلاين يقول...

جيد

omar ail يقول...

our site is very helpful
<https://anti-insect.jimdosite.com/
http://antiinsectss.wikidot.com/
http://antinsectss.ucoz.net/blog/
http://5irat.com/

fdsfsdd يقول...

http://halamall.blogspot.com/2010/07/blog-post_19.html

غير معرف يقول...

تم إدراج سهم الفخارية تداول في البورصة السعودية تحت الرمز 2360 في عام 2007م.