الاثنين، 7 يوليو 2008

ياااااااااااااااارب


يارب كلمه صغيره قوى بس لو عدينا كام مره بنقولها فى اليوم الواحد نلاقيها كتيييير قوى


و انا فى العربيه مع جوزى من يومين لقيت حد كاتب على الحيطه جمله هى "بس قول يارب"


و ابتسمت قوى اما شويه ولاد عدوا جنبها و راحوا قايلين بصوت عااالى يااااااااااارب


وفكرت و قولت كام واحد فى بلدنا بيقول يارب كل يوم و ليه


ياترى هل هو طالب الثانويه العامه اللى ذاكر و تعب طووووووووول السنه و اهلوا صرفوا عليه و فى


الاخر كانت صدمته كبيره لما عرف ان الامتحانات اتسربت و ان خلاص الروس اتساوت و اللى ذاكر زى

اللى ماذاكرش و خلاص مبدأ تكافؤ الفرص انعدم و ان البقاء للى يدفع ثمن الامتحان و يعرف يشتريه؟؟


ولا هو المريض اللى حالته تعبانه قوى من السرطان اللى دمره و الكبد اللى هده و بيدعى ربنا يشفيه


و ينتقم من اللى ملوا البلد بالمبيدات المسرطنه و الادويه المغشوشه و شركات الادويه اللى همها


المكسب الكبييييير بدون النظر لظروف المريض و حالته الماديه؟؟؟؟؟


ولا هو الموظف الغلبان اللى على الرغم من زياده مرتبه 30% لفى نفسه برضه مش عارف و لا لاحق

يعمل حاجه لانه بيخلص المرتب برضه يوم10 بالكتير و الحاجه من حواليه بتغلى فى اليوم الواحد


مرتين و تلاته و هو مش عارف ليه و ازاى و مطالب ولاده مش بتخلص و هو مش عارف


يلاقيها منين و لا منين؟؟؟؟


و لاهم الشباب اللى نفسه يتجوز و مش عارف لارتفاع اسعار الدهب و الخشب و الشقق


اللى اسعارها انفجرت بسبب ارتفاع اسعار الحديد و الاسمنت و الاراضى


وطلبات اهالى البنات المغالى فيها و اللى رفعت نسبه العنوسه فى بلدنا لارفام غريبه و عاليه جدااااااا؟؟؟


و لا هى الام اللى نفسها تربى ولادها صح و تطلعهم ناجحين و محترمين و مش قادره


بسبب السلوكيات الغلط اللى بتحيط بالاطفال من كل جانب و تخليهم عرضه للانحراف فى كل وقت


و كل مكان؟؟؟


ولا هي انا اللى مش ملاحقه اعمل شغل البيت و لا شغل الصيدليه و لا ادفع الضرايب و لا فواتير\

الكهربا


و لا الضرايب العقاريه و لا فلوس النظافه اللى مش بتحصل ابدا و لا ارجع الدوا اللى باظ و مش عارفه


ارجعه ازااااااااى و حاسه ان الدنيا مكركبه فوق دماغى و مش عارفه اعمل ايه؟؟؟؟؟


كلنا فعلا محتاجين نقول يارب علشان يساعدنا ويعيننا على الدنيا الغريبه اللى احنا عايشين فيها دى


قولوا كلكم معاااااااااايااااااااااا


يااااااااااااااارب








هناك 25 تعليقًا:

سارة علي يقول...

يا رب كل اللى محتاجك ابعتلة اشارة او مساعدة او صديق يقربك منك يا رب انا محتاجة ليك واليك ومحدش فى الدنيا يقدر يقربنى منك الا انت
بوست رائع ومدونة اروع وكل موضوعاتك جميلة
تقبلى مرورى
تحياتى

Foxology يقول...

خليها على الله وافضلى قولى ... يــارب :)

ما ضاقت الا لما فرجت :)

تحياتى :)

بطوط حبوب يقول...

بيقولوا نتيجتنا طلعت

ها تطلع
ودامها كام يوم

دول تلات اتصالات جولى ورا بعض

ربنا يستر

وقولى معايا

ياااااااااااااااااااارب

نعكشة يقول...

يااااااااااااااااااااا رب

ahmed_k يقول...

يااااااااااااارب

خللي اللي مذاكرش واشتري الأمتحانات يفشل في حياته

و جيب السرطان للي دخل بلدنا المبيدات المسرطنه وخللى الناس خايفه حتى من الأكل

واللي كان السبب في الغلاء اللي احنا عايشينه ميعرفش يتهني بالفلوس الحرام اللي ناهبها من البلد

ويارب يارب يارب يارب
تصبر الشعب علي ما ابتلاه

كنت حنسى

ويارب الدتوره صاحبة المدونه دي تلاقي صيدلاني او صيدلانيه مش فارقه المهم يكون ابن حلال وشاطر وأمين يساعدها في شغلها ويخفف عنها شويه


تمام ياريت مكنش نسيت حاجه

ومتتأخريش تاني أهو مشكلة الصيدليه واتحلت ملكيش عذر

والسلام ختام

Appy يقول...

عارفه ان دى اكتر كلمه فى الدنيا بتريح بجد وبعدها بحس ان كل حاجه بتهدى وبقدر بعدين افكر والله عمرى ما قولت يا رب ومش فكها علىا فى ازمه الحمد لله

blue-wave يقول...

مش المهم نقولها
المهم نحسها ونؤمن بيها
تحياتى

semsem يقول...

فعلا مفيش اجمل من كلمه ياااااااارب
بجد بتشيل الهم من القلب
على فكره بدايه الموضوع جميله اوى
واسلوبك بجد حلو
بوست احييكى عليه
احساسك كان واضح فيه اوى
السلامووووووو عليكو

فارس بلا جواد يقول...

السلام عليكم ورحمة الله وبركاته
دى اول زياره ليا
الحقيقه مدونه تحفه
وفعلا مفيش احسن من اننا نلجا لربنا بس فى كل الاحوال
وكلمه يارب بتريح قوى
تحياتى

Ashraf يقول...

اكيد الرجوع الى الله فى اليسر والعسر
ياريت نعرف ربنا فى السراء والضراء
اكيد هيرجع الضمير برجوع الوازع الدينى
وشعب مصر على مدار التاريخ من اكثر الشعوب ايمان
لذلك اعداءنا بيحاربونا فيه
انا شوفت فى بلاد كتير زرتها واخرى عشت فيها( حتى ممن يتشدقون باسم الدين)(عربيه واوروبيه)
عموما كل انسان بعمله ونيته والله اعلم
يارب سترك ورضاك وحسن لقاك ياكريم

mayada يقول...

يااااااااااااااارب
انا بستريح قوي من الكلمه دي
سواء سمعتها او قلتها
قولي بقي يارب

صيدلانيه طالعه نازله يقول...

ساره على:ربنا يسمع منك و يبعت لكل انسان العلامه و الهدايه اللى تنور طريقه
===================================
foxology:ربنا يفرجها على خلقه كلهم
امييييييييييييين
===================================
بطوط:ياااااارب تكون النتيجه ظهرت و نجحت و كدت الاعادى
هههههههههههههههههه
================================
نعكشه:يارب ياختى ياااااااااارب
=================================
ahmed-k:و الله انت مقصرتش خالص و عملت اللى عليك و زياده و ربنا يسمع منك
يااااااااااااااااارب
==================================
Appy:ربنا يريح بالك دايما و فعلا كلم ياااااااارب دى جميله جدا بس نحسها و احنا بنقولها
===================================
blue-wave:انا استعرت كلامك و رديت بيه على ابى لانه حقيقى و صح
تحياتى
=================================
semsem:شكرا على تعيقك الجميل و بدايه الموضوع هى اللى اوحتلى بباقى الموضوع
نورتينى
=================================
فارس بلا جواد:اول مره و ياريت متبقاش الاخيره
يااااااااااارب
نورتينى
==============================
اشرف:فعلا ياريت نعرف ربنا فى كل الاحوال مش فى الزنقه بس
شرفتنى
=================================
mayada:يارب استجب لدعائنا جميعا
يااااااااارب
نورتينى يا جميله
================================

saragebaly يقول...

يارب
الله على جمال الكلمة
كلمة بتسهل كل صعب وبتهدي كل نفس
يارب يارب يارب

تقبلي مروري وزيارتي
سارة

رئـــــيسـة حزب الأحلام يقول...

يااااااااااااااااارب
فعلا مالناش غير ربنا
الف تحيه لكى ولهذا الموضوع

مواطن زهقان يقول...

يارب
فعلا احنا محتاجين
نقول الكلمه دى
بس بصدق شويه
تقبلى مرورى

إبـراهيم ... معـايــا يقول...

يااااااااااارب ... ارحمنا برحمتك
أول مرة أعدي هنا، كانت شداني فكرة إنك صيدلانية، وبعدين إكتشفت إنك من أسيوط .....
جو إحنا مدوني الصعيد دوووول بنعزهم واااصــــل

تحياتي

FaceMoon يقول...

يارب تحقق امنياتنا واحلامنا وتوهبنا السعادة يارب كلما نقولها بس نحسها وتكون من جوانا فعلا مش مجرد كلمة لسانا اتعود عليها
بوست جميل اوى
تحياتى

Radwa يقول...


يارب
.....................
بجد بوست تحفة
تحياتى
.................
سندريلا

truelove يقول...

يااااااااااارب ديم الحب مابنا ولاتجعل قلوبنا مشغولة بشي غير الحب مابنا لااعرف سبب لشعوري بالراحة بدخولي ممدونتك ادام الله عليك الخير والحب بس تعرفي احلى كلمة بتخليني مبسوطة من كلمة يارب انه بيقولها المسلم والمسيحي واليهودي كلمة بتوحد الكل

سبهللة يقول...

كان فى اغنية فى الاذاعة زمان
بتقول
كل الناس بتقول يارب
يارب يارب يارب
هو فى حد يقدر ما يقولهاش
طيب لو ماقلهاش هايقول ايه؟؟

غاده يقول...

يااااااااااااااااااااااارب
يبقى مع الناس كلها يا صيدلانيه
بوست حلو تحياتى

نهر الحب يقول...

توكلى على الله
قولى يا رب

صيدلانيه طالعه نازله يقول...

saragebaly:نورتينى و شكرا لمرورك و تعليقكو يااااااااارب دايما النفوس تبقى هاديه و جميله
==================================
رئيسه حزب الاحلام:فعلا احنا ملناش غير ربنا هو نعم المولى و نعم النصير
نورتينى
================================
مواطن زهقان:احنا محتاجين الصدق بصفه عامه ساعتها ربنا هيبقى معانا دايما
ياااارب
=============================
ابراهيم....معايا:تحيه من مدونى الصعيد الى مدونى القاهره المحروسه
شرفتنى
==============================
face moon:ربنا يسمع منك
يااااااااااااارب
نورتينى
================================
سندريلا:نورتينى و شكرا للتعليق
==================================
true love:يارب يفضل الحب دايما بيننا و يكتر كمان و كمان
نورتنى
=================================
سبهلله:هى كلمه حلو سهله كمان و الكل لازم يقولها و فى كل وقت
شرفتينى
=================================
نور:ربنا دايما معانا حتى من غير ما نقولها
==============================
نهر الحب:توكلت على الله و سلمت امرى لله

Abo-Harees يقول...

السلام عليكم أختى الكريمه
مدونه جميله وتستحق القراءة
لكن فى استفسار قبل تعليقى على الموضوع ده
ليه الصيدلانيه طالعه ونازله
هى معندهاش اسنسير

اما عن الموضوع ده فأقول
يـــــــــــــارب على الظالم
يـــــــــــــارب خلصنا من المفترين
اللى سلبوا الشعب ابسط حقوقه
ويارب ساعد المظلومين المطحونين البسطاء اللى مش قادرين.

اخيكى
الراعى

بنوته يقول...

ياااااااااااا رب مصر تبقى احلى