الخميس، 2 يوليو 2009

احنا بقى ...باقى مننا ايه؟؟؟

بصراحه النهارده انا مش عارفه اكتب حاجه لانى مش لاقيه حاجه تتكتب فعلا


انا بس حأقولكم الخبر اللى خانقنى بقالى كام يوم و اشوف رأيكم فيه


"تم حجب جائزه الدوله التقديريه فى العلوم و التى كان المرشح الاول لها الاستاذ الدكتور


هانى الناظر رئيس المركز القومى للبحوث و ذلك لاعتراض وزير التعليم العالى


و البحث العلمى على ترشيحه و يأتى هذا الاعتراض تصعيدا للخلاف القائم


بينهما منذ فتره"


اظن انتوا طبعا طايرين زيى من الفرحه بعد ما قريتوا الخبر


و قال ايه عايزيين البلد تتقدم تطبيقا لشعارنا الوطنى"بلدنا بتتنيل بينا"


و ادى دقنى لو عرفنا حتى نتنيل


و بالمناسبه الجميله دى اهديكم الاغنيه اللى ملقيتش غيرها يعبر عن حالتى


فى الظروف الحلوه دى

هناك 10 تعليقات:

promise is promise يقول...

اول تعليق وسسسسسسسسسسع يا جدع
بصى بقا انا معجبه بالمدونه بتعتك جدا وقلت هستنا لما تنزلى بوست جديد واكون اول تعليق علشان تاخدى بالك منى هههههههه واتمنى فعلا نكون اصدقاء

المهم بلدنا فعلا بتتقدم بينا وسمعينى سلام الصلح خير

ومش باقى منى غير شقه فى نفس مقطوع وانا صوتى مش مسموع يا حلمنا الموجوع من المرور ممنوع مستنى لما يمر موكب سلاطينك

ومستنياكى عندى ياقمر
سلام

Ashraf يقول...

الحمد لله قدر الله وماشاء فعل
هذه هى السياسه ان لا يكون هناك صف ثانى
ولا لنظره مستقبليه
المهم كل مسئول يجلس فى كرسيه مستقرا قدر الامكان
ويكون نفسه على قد ما يقدر
وعجبى

Me7'o يقول...

ههههههههههههههه

إنتى فاكرة الجوايز دى ليها قيمة
يا ستى الجايزة دى بتتقدم لواحد لازم يقدم فروض الطاعة والولاء الأول

كل ده حاجات منظر وخلاص
والجوايز دى فى نظرى مالهاش أى قيمة ولا لازمة

الجايزة الصح لازم تكون دولية ومن مؤسسة معترف بيها

لإن أى جايزة محلية هاتكون إيه يعنى
إذا كان البلد كلها بايظة واللى ماسكينها كلاب

الكلب هايديكى هدية إيه
آخره يلحس فيكى وينجسك لو كان بيحبك قوى وده طبعاً بعد إنتى ما تطبطبى على ضهره

وعجبى

المتبهـدلـون فـي الأرض يقول...

طب إزاي تتمنع لأسباب شخصية ...

ولا يهمك ,, هو شريط البلاسيد بكام دلوقت ؟؟؟؟!!! ("_")

MǿиY El-Shreef يقول...

حسبي الله ونعم الوكيل

والله الواحد بقى يفكر مايقراش ولا يسمع اخبار بجد

بلدنا دي حاجه عجيبه :S

Foxology يقول...

احنا دولة افراد مش مؤسسات :)

هنفضل طول عمرنا كدة ولا عزاء للحزب الوطنى اللى عمال يقول بلدنا بتغرق بينا

تحياتى :)

micheal يقول...

عشان كده مفيش داعي للدهشة أن مفيش جامعة مصرية من ضمن أحسن 500 في الوقت اللي فيه جامعتين من اسرائيل من أحسن خمسين
!!

dr.lecter يقول...

مش باقي حاجه اصلا

لو لقيت حاجه باقيه مننا ابقي قولي لي علشان انا بدور علي اللي باقي مني في البلد اللي بتوتني كل يوم

promise is promise يقول...

ازيك يا دكتوره عامله ايه ؟

يارب تكونى بخير

المهم انا عايزه رايك فى البوست اللى عندى لانها مشكله غويصه وعايزين ليها حل فعيزين اكبر عدد من الاراء وطبعا راى حضرتك يهمنا

مستنياكى

يالا سلام

سمسم/سما يقول...

السلام عليكم
ونتقدم ليه حنسبق امريكا يعني
مهم حاجزين لينا باخرالطابور
وتمن الحجز ادفع خلاص
مفيش فايده