الأربعاء، 21 أكتوبر 2009

كتر خيرهم و الله!!!!!!!!!!!!!!!!!!!

اولا و قبل ما انطق بأى كلمه و لا اكتب اى حرف اسمع زغروطه حلوه كده على غرار زغرطى ياللى انت مش معانا

لأن اللى حاقوله اصلا ما ينفعش معاه غير اللطم و بما انه حرام يبقى حنكتفى بالزغاريط

اولا احب اعرفكم ان مدرسه ابنى و بنتى كانت من المدارس المحترمه اللى ما اشتغلتش ايام و ايام

لأن احنا اصلا الفصل مش اكتر من 40 طفل فى العادى و انما وزعت العيال على فصول اكتر

و بالتالى ابنى و بنتى كانوا زعلانين لانهم اتفركشوا هما و اصحابهم و ضاعوا فى غيابات المدرسه

بينى و بينكم انا كنت فرحانه لأن ابنى مكانش هو اصحابه اصدقاء عاديين و انما عصابه بالمعنى الحرفى للكلمه

من النوع اللى يجبر اى مدرسه انها تنتحر و هيا مرتاحه الضمير لانه مفيش امامها حل تانى

الواد من كام يوم راجع مبسوط و مزأطط على الاخر .............فيه ايه يا وااااااااااااد؟؟؟؟؟؟؟

قال الميس قالت لهم انه خلاص حنرجع لفصولنا العاديه و بنفس الكثافه و اليوم الدراسى حيرجع يطول

تانى زى زمان و كل ده عشان فى اسيوط مفيش حالات ظهرت و احنا بقى مالناش دعوه اشمعنى احنا

اللى ميطلعش اسم بلدنا فى التلافزيون يعنى احنا اقل من القاهره و اسكندريه و لا حتى سوهااااااااج

اللى كل شويه يطلع اسمهم و يقولوا ان عندهم حالات..................

طبعا الكلام عجيييييييييييب و غرييييييييييييييييب و المصيبه انى اكتشفت ان الكلامده حيتطبق حتى على المدارس

اللى الفصول فيها 50 و 60 يعنى الكل فعلا متكاتف من اجل اظهار حالات

من يومين جت عندى الصيدليه واحده موظفه فى مديريه التربيه وا لتعليم و بسألها هما حيرجعوا المدارس

بالنظام القديم عشان مفيش حالات ضحكتو قالتلى قلبك ابيض!!!!!!!!!!!!!!!

دول عملوا كده عشان المدارس اشتكت ان معظم اولياء الامور مش راضيين يدفعوا المصاريف عشان

المدارس كده كده حتقفل و مش حيكملوا و انهم بيخلوا العيال غايبيين عشان ميدفعوش و جايبين لهم كتب خارجيه

بيذاكروا منها و خلاص..................قوووووووووووووم ايه تفتق ذهن المسئولين انهم يرجعوا الدراسه عاااااااااااادى

خاااااااااااااالص عشان الاهالى تضطر تدفع المصاريف و بعد كده المدارس طبيعى كلها حتقفل على شهر 12

اييييييييييه رأيكم بقى فى النصاحه و الدهااااااااااااااااااااااء الصعيدى دول ...اللى عايز شويه يجى يغرف

بس و النبى يبقى يجيب حلته و لا طبقه معاه عشان احنا اطباقنا و حللنا بالعدد على قدنا

بصراحه انا بعد ما سمعت السبب الحقيقى انذهلت و معرفتش اقول حاجه خاااااااااااااالص

و ادينى مستنيه الرجوووووووووووووووع الكبير و الظهوووووووووووووووووور العظيييم للحالات القادمه

و بينى و بينكم العداد و ان شاء الله تنجح اسيوط انها تمثل نفسها تمثيل مشرف فى سباق انفلونزا الخنازيييييييييير

و يحتل اسمها الصداره زى ما المسئولين عايزين

هناك 37 تعليقًا:

نعكشة يقول...

يااااااااااااااه
منورة يا فندم

................

نظرا لاني مليش فى الانفلونزا ولا الخنازير

فمش فاهمة فين وجهةالنظر

انا اصلا مفهتمش اية يخلوا المدارس 3 ايام فى الاسبوع

ماشي يقللوا نسبة العيال فى الفصول
مش عشان وباء
عشان العيال تفهم

يا صيدلانية يا عزيزتي الاعمار بيد الله

انا حاسة ان الموضوع كبير عالفاضى معرفش ليه
رغم وجود حالة انفلونزا خنازير فى الدمرداش
اللى انا بدرس فيها
بس عادي يعني

اللي خايف يلبس ماسك و خلاص

و بعدين الامراض المنيلة بستين نيلة مالية الدنيا
و السرطان فى الشيبسي و الفواكة
جت على الانفلونزا هتشى

مش عارفة

من حق حضرتك طبعاً تتضايقي من اجل اولادك

بس انا بقول وجهة نظري

و مش بعتب على اى حد بيتمسك بالحاجات اللى معمولة عشان يحدوا من انتشار المرض

و كل واحد ينام عالجمب اللى يريحوا

و من هذا المنطلق

اسمحيلي ازغرط معاكي عشان يعلى صوت الزغاريط

اوبس

مبعرفش ازغرط
ههههههههه

فقعتلك مرارتك

معلش

اقولك
سيبك

سلام عليكِ

رئيس جمهوريه نفسى يقول...

وبيقولوا على الصعايدة اغبياء عموما فى موضوع انفلونزا الخنازير والتعامل معاها اعتقد انى الاداء الحكومي الفاشل كافي لاسقاط حكومات الدول الافريقية كلها مش بس الحكومة المصرية بس بشرط يكون عندهم دم

لاسع افندى يقول...

هو فيه فيرس يستجرى يهوب نواحي اسيوط




تحيه لاسعه

خواطر شابة يقول...

انا لما بقرا بوستات المدونين المصرين عن انفلونزا الخنازير اصاب بالرعب اجي ارجع لعالمي الحقيقي هنا في المغرب الاقي الحياة بييس يامان وبصراحةده اللي مخوفني انه الحياة ماشية عادي كأنه مفيش حاجة ياخوفي ليكون ده اللي بيقولو عليه الهدوء الدي يسبق العاصفة
يارب احفظنا احنا وكل الشعوب يارب احنا ضعفاء تحت قدرتك يارب

Foxology يقول...

عاااااااااااااااااااادى

ايه ف بلدنا الحلوة منطقى ؟؟ مفيش طبعا


تحياتى وربنا يسترها

(Joudy) يقول...

فعلا هى جت عليها يعنى مش لازم تتشهر ده حتى الشهرة حلوة ههههههههه بس دى شهرة بخساير فى الأرواح ربنا يستر

دمتى بكل الخير والسعادة

واحدة مفروسة يقول...

لولوللولولييييييييييييي

Cute Kitty **sookra يقول...

لولولولولولووووىىىىىىىىىىىىىىىىىىى
زغروطه حلوه عشان ام رحاب ياواد انت وهو
صيدلانيه طالعه ونازله
اكيد تعبتى ورجلك وجعتك
عموما ياستى احنا عندنا مسئولييين عثل عثل والنبى
حاجه كدا تجنن وتخلى المجنون يعقل
تخيلى وطبعا لما العاقل يتجنن والمجنون يعقل كل واحد منهم هيشوف الدنيا احلى وهو فى حالته الجديده


تقبلى مرورى
وبلاش تفقعى مرارتى تانى

Ashraf يقول...

والله أنا اعتقد ان الأن التعليم مستواه اقل بكثير فى المدارس
ولكن لو رجعوا كل حاجه زى ماهيه المفترض يكون احسن
والجو لسه حر فى اسيوط وهذا فى حد زاته بيقلل الانفلونزا جدا
ولو جرت أصابه للتلاميذ هيبقوا شهداء التعليم

وعجبى .........

موناليزا يقول...

:) الصورة أبلغ تعليق

====
ممكن تصلحى كلمة "إن شاء الله " اللى فى اخر البوست لانك كاتباها "إنشاء"

ايوشة يقول...

الله يخرب بيت التعليم كله :(

Anonymous يقول...

هم لقيوا الاعداد المصابه اقل من التوقعات فقالوا نحاول نحسن النسبه
بنت النيل
او
نوجه

micheal يقول...

ههههههههههههههههههههههه
لولولولييييييييييي
عاااااااااااااااااااا
أنا جالي تخلف خلاص
الله يسامحك
عظيمة يا مصر يا ارض اللوا
مش حقول غير ربنا يلطف بالجميع
تحياتي

سومه...مجنونه فى بلد عاقل يقول...

ههههههههههههههههه عارفه انا حاسه ان قدام شويه اللى حيجيلوا انفلوانزا للخنازير حيمشى يتباهى فى الشارع
اسكت مش جاتلى الانفلوانز عقبال عندكم يا دلعدى انتى وهى:)
ربنا يستر على ولادك يا رب وولاد لمسلمين كلهم وولاد مصر

عاشقه الرومانسيه يقول...

حتى السباق فى المرض؟
ايه التخلف ده؟
اهى مصاريف المدارس بتعمل حاجه برضه فى خزينه الدوله لما تتقطع هتاثر عليهم
الحكايه مش اكتر من نصبايه مشروعه
نصب حكومى مفتخر لا يعاقب عليه القانون

Mahmoud البطراوى يقول...

ههههههههههههههههه
والله الصعايده دول مسخره :D

بس للامانه المسئولين فى كل حته بيتمتعوا بنفس هذا القدر من الذكاء الغير طبيعى

انا حاسس انهم بيعملوا اختبارات ذكاء ليهم اللى بينجح بيترفد على طول :D :D :D :D

asadma7bos يقول...

انا انصح منك جبت مدرس للبنت يدرسلها فى البيت ولا كى جى ولا غيره
والفكه تروح للمدرس لحد ماتفرج فى شهر 12
هههههههه
هذا وبالله التوفيق

صيدلانيه طالعه نازله يقول...

نعكشه:و الله انا زيك استغربت على حكايه 3 ايام دى بس اما سألت عرفت ان المدارس مافيهاش فصول تكفى عشان يوزعوا العيال عليها و عموما ربنا يستر فى كل الاحوال
====================================
رئيس المهوريه بتاع نفسه:احنا طبعاعارفين انه مفيش دم و طبعا هما رافضين يتنقل لهم دم عشان الدم كله فيرس سى و ايدز
===================================
لاسع افندى:و لا يقدر و لا يستجرى يفكر فى سره حتى
ههههههههههههههههه
===================================
خواطر شابه:انتوا الصح و الله لانها فعلا مرض عادى و لو البلد نفسها كويسه يبقى مفيش خوف خالص
الخوف عندنا و الهلع المبالغ فيه لاننا عارفين حاله المستشفيات شكلها ايه و ظروف الناس اللى بتخلى امتلاك بعضهم لصابونه نوع من انواع الرفاهيه
===================================
Foxology:عاااااااااااااااادى جدا كمان
قول يا باسط تلاقيها هاصت
===================================
Joudy:الصيت و لا الغنى يا حبيبتى
===================================
مفروسه هانم:نردهالك فى الافراااااااااح يا اوختشى
===================================
Saso:اولا انا ام سيف و شادن و معنديش اى خطه مستقبليه انى ابقى ام رحاااااااب
بس فكره حلوه فكره تبادل المواقع و الجنان
جايز يمكن تيجى بفايده
===================================
Ashraf:شهداء الواجب الوطنى و نعملهم نصب تذكارى و نحط عليه اكليل التاميفلو
==================================
موناليزا: تم تصويب الخطأ و دمتى لنا دائما
و ربنا يستر علينا جميعا
==================================
ايوشه:امين يارب العالمين
املنا فيكى كبير انك تخربيه بصفتك مشروع مدرسه
==================================
نوجه:طبعا
اهم حاجه ان الانسان يحاول دايما يحسن مستواه
ههههههههههههههههه
==================================
micheal:كلنا جالنا تخلف من النكت اللى بتجرى حوالينا
بس حنعمل ايه بقى
نصيبنا كده
===============================
سومه:ايوه بقى و الل تكتب فى مذكراتها بعد 50 سنه انها من القلائل اللى نجيوا من الوبا و ازاى الشعب المصرى كافح من اجل انقاذ البلاد من الاحتلال الخنازيرى
===================================
عاشقه الرومانسيه:هو كده فعلا نصبايه حكوميه بنكهه التاميفلو المركز اللذيذ
و اهى الناس تتلك و تسكت و تتلهى بلعبه جديده
=================================
بطوط:انا رديت على كل الناس دى عشان اوصلك
مين ياد انت ياااااااد اللى مسخره
بقى الصعايده مسخره ماااااشى مااااااشى
ابقى بص وراك و انت ماشى لانك خلاص بقيت بلاك ليست و ياريت اما تكشف على حد تبقى تشوف بطاقته قبل ما تمسك الشنيور بتاع السنان لانك خلاص يا ولدى مفقود مفقود مفقود
هههههههههههههههههههههههه
===================================
asadma7bos:انا ولادى اما بيغيبوا و هما عيانين بيفضلوا يعيطوا و بعدين مش للدرجه دى الحذر لان الامور مش سيئه للدرجه دى
ربنا يحمى ولادنا جميعا
====================================

momken يقول...

من لم يمت بالفيرس مات بغيره ( احنا هنكفر ولا ايه)

وعلى العموم الى ينفد من انفلونزا الخمازير هياخد نصيبه من الطيور والى مياحقش يكوت فى اى قطر يعجبه المهم ياخد نصيبه

المهم نصيحتى لاى حد انه يلحق يستخبى
ايون نستخبى

ونبنى خنادق تحت البيوت علشان لو جه الوباء نهرب منه

وبعدين نعتمد على الدروس الخصوصيه علشان ربنا يكرمنا
امال الفلوس دى كلها هندويها فين



تعتذر عن الزغاريت علشان ممنوع هنا استعمال الزوماره


تحياتى

صيدلانيه طالعه نازله يقول...

momken:الخنادق مش حتنفع لانها كتمه و ممكن حد جيراننا فى الخندق اللى جنبنا يكون عنده الوبا و يعدينا و احنا تحت الارض و ساعتها مش حنحتاج ندفن لاننا اصلا تحت الارض
شوفلك فكره تانى و بعدين انا واخده تصريح باستخدام الزمامير و الديناميت و البمب كمااان

karim يقول...

بجد جميلة قوى قوى قوى انا تشرفت بجد بمعرفة مدونتك, ارجو زيارتك لى , تحياتى

رابطة هويتي اسلامية يقول...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

Cute Kitty **sookra يقول...

ام سيف وشادن
تعرفى انى بحب اسم شادن دا اوى (الغزال الصغير)
ومتفقه انا وجوزى اننا لو جبنا بنت نسميها شادن وبنت نسميها ريما وبنت نسميها مريم

الجواز و سنينه يقول...

بس كده
و آدى الزغروطه اهه
ده مفروض انهم يستعينوا بخبره الصعايده علشان يعرفوا يجيبوا الفلوس
و بعدين ايه يعنى لما يلموا الفلوس دى ناس غلابه
ايه يعنى يلملهوم كام مليون
يعملوا ايه فى الزمن ده
احنا ناس مفتريه و الله

Shimaa Esmail يقول...

الأستاذة الدكتورة صاحبة مدونة:صيدلانيه طالعه نازله
" تحية طيبة" وبعد..
اعتذر عن الخروج من موضوع التدوينة، ولقد أرسلت لك رسالة عبر البريد الإلكتروني تشتمل على البيانات التي تساعدك على الإجابة عن الاستمارة.
أجمل وأرق تحية لكِ .
شيماء إسماعيل
باحثة بالماجستير- كلية الآداب جامعة القاهرة.

ماما أمولة يقول...

سعدت بزيارتك واتمنى دوام التواصل


ربنا يستر على اولادنا من الهمجية وعدم الاكتراث

مدونتك جميلة وجادة بأسلوب مرح


تقديري

م/محمود فوزى يقول...

كأن الهدف الاول هو الفلوس واخذ الفلوس من الناس
طيب ليه باه الكلام الكبير قوى بتاع الحملات الدعائيه انهم مهتمين وان الاجراءات الوقائيه متخذه

وبعدين يعنى العمليه التعليميه ملهاش لازمه يعنى
ليه يعنى منحاولش ان يكون العدد قليل حتى ولو كان غصب عننا فى اجراءات وقائيه
هو مينفعش نحس ان اولادنا ممكن تفهم فى المدرسه من غير كتب خارجيه او مجموعات ودروس
طبعا عشان التعميم وحش ففيه ناس لسه بتشرح كويس فى المدارس بس دول اد ايه
يارب يزيدوا ويبقوا هم الاصل
معلش انا طولت

mahasen saber يقول...

المهم ربنا يباركلك فى اولادك ويحميهم ليكى

ويحمى ولادنا ويبارك فيهم

mahasen saber يقول...

ههههههههههه الرجوع الكبير ده فكرنى بأسم فيلم اجنبى قديم اسمه حاجه كده ووراها الكبير برضه

ويا سلام على تخطيط وزارتنا الحبيبه لاولادنا بس ترجعهم عشان الفلوس يا فرحتنا بالتفكير المادى البحت وتتهرس العيال من الانفولونزا ولاا يعضهم خنزير متفرقش

اقصوصه يقول...

شر البليه ما يضحك!

الشجرة الأم يقول...

عجبني أوي الرسم الكاريكاتيري، وزغرط من الفرح إننا مش عاوزين نخلي حتى لإنفلونزا الخنازير..

أنا مدرسة بناتي في كل فصل 20 طالبة وبرضه الإثنين اتعدوا من انفلونزا الخنازير، شفتي إزاي لأنه كان في حتت كتير فاضية.

شفـقــة و إحســــان يقول...

يا لهوى مفيش فايدة
هما مايهمهش الا المادة وبس
منهم لله
وربنا يستر علينا وعلى ولادنا
شفقة

كلام عيب يقول...

فى امريكا رفعوا حاله الطوارء علشان الانفلونزا
و معتبرنها كارثه
و احنا هنا بنهزر
المهم يلموا القرشنات
ربنا يستر علينا

بيطرية ومش بايدى يقول...

هم يبكى وهم يضحك والله العظيم
ماهو كل ده معمول عشان خاطر شركة الادوية تكسب
وربنا يخليلك ابنك العفريت ده بس انا متاكدة انه مسكر ومعسل كمان
ربنا يخليه ليك يا قمر وبنوتك كمان

معدتش فى كلام يتقال

اقول سلاموووووووووووووووووز

!!! عارفة ... مش عارف ليه يقول...

نفس الشيء ده حصل هنا في الكويت

المدارس الحكومية اتأجلت

والمدارس الخاصة اشتغلت عادي وبكامل طاقتها علشان موضوع المصاريف إياه

وبعد ما لموا القرشين بدأوا بقى يقولوا إن الامتحانات هتيجي بدري

والمناهج بتتكروت علشان يلموا الدور بدري بدري

أما عن إنتشار المرض فهو بسم الله ماشاء الله عامل عامليه هنا

والمستشفيات بالطابور

ولا طابور العيش أه والله


كان معكم
وليد الزهيري
قناة الحقيقة الفوجائية
الكويت

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست

م/ الحسيني لزومي يقول...

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك
عذرا علي عدم التعليق علي البوست