الاثنين، 25 يناير، 2010

منتخبنا فريق الاحلام






مبروك لفريقنا الرائع الفوز الكبير النهارده


مبروك علينا و لينا الفرحه


فريقنا بجد يستاهل انه يفرح


ياريت كل اللى شتم و غلط فى فريقنا


ينقطنا بسكاته شويه


ياريت كل اللى غلط فى الحضرى يرجع يعتذرله و بسرعه


طبعا لغايه الماتش الجااااااااااااااااااااى



ياريت كل الدكاتره و البشوات و اللواءات و الجهابزه خبراء الكوره



فى الوطن العربى



يتكتموا شويه و كفايه اللى جرى





هناك 45 تعليقًا:

Mahmoud البطراوى يقول...

هنلاعب الشقيقه يا كتوره
كنت عاوز نخسر من الكاميرون ومنلاعبش الشقيقه ولا تلاعبنا ولا ليها دعوه بينا ولا لينا دعوه بيها

:((((((((((((((((((

نهر الحب يقول...

ههههههه
ازيك يا دكتورة
واضح انك فرحانة خالص ودا شئ يفرحنا كلنا
ياستى الف مبروك

كيكى عوووووو يقول...

حبيبى ازيك
بيب بيب بيب بيبيب
مصررررررررررررر

ستيتة حسب الله الحمش يقول...

كووووووووووووووووولنا فرحانين
والي يحبنا يضرب عيارين من بندقية آلي :)
وربنا يكملها على خير ان شاء الله

GHARAM يقول...

الف مبروك بس انا موش حا افرح بجد الا لما نكسب البعدا اللي قررت حكزمتهم تبعت الف مشجع منهم اكيد طبعا من بتوع السكاكين والمطاوي والبنات اللي بستخدم ايديها في حركات قلة ادب


يارب انصرنا عليهم يارب

هي وظروفها يقول...

تحيا كبييييييييييييييييييييييييره لأبو كريم
وان شاء الله نغلب ال 11 كلب الجزائريين وربنا يستر بس علشان لو كسبونا هيبقي شكلنا وحش قوي مبروكلمصر كلها وارقص يا حضري براحتك

عاشقة القمر يقول...

الف مبروووووووووووووووووووووووووك من قلب السودان
قول لكم اتمناها لكم الفوز
بجد احنا فرحينا جدا

adel يقول...

مبروك مبروك مبروك
مبروك عليكم و علينا
ونهدي الفوز للسيد الريس راعي اي فوز في اي مجال في اي حتة في اي وقت

لـــولا وزهـــراء يقول...

دكتور علا
-*-*-*-*

تسلم الايادى بجد
ربنا يستر بجد من اللى جاى الواحد خايف اوى اوى
يااااااااااااارب النصر لمصر
ياريت فعلا كل واحد يحط لسانه جوه بقه لما نشوف ايه اللى هيحصل

لولا

ابو على يقول...

انها الحرب القادمه

Ashraf يقول...

الحمدلله هذا من فضل الله

من اجمل لحظات المباره لما حسن شحاته هلل وقال ( يابركة رسول الله عليه الصلاة والسلام)

والمذيع لما قال ده فريق ماشى ببركة الدعاء والسجده

تحيه لكل المنتخب ومن ومساعيديه

الله الموفق

أبو حميد يقول...

ربنا يستر الماتش الجاى سواء كسبنا أو لا قدر الله خسرنا

قبلاوى يقول...

فعلا الاولاد لعبوا حلو النهارده

انا سعيد بيهم

واحدة مفروسة يقول...

و الله يا علا انا فرحت جداااا
بس فرحة ملفوفة بالخوف من الماتش الجاي
بدعى ربنا من النهاردة انه يعدى على خير
ادعي معايا
سلام

سبايدرمان يقول...

مبروك لمصر
و ياريت لو الأعلام يسكت خالص
لأنه هو السبب في المشاكل الي بتحصل دي

richardCatheart يقول...

الحمد لله الواحد مش سايعه الفرحه بس خايفه موووووووووووووت مش من الهزيمه ان شاء الله هانهزمهم ونقهرقلبهم احنا مالناش مشجعين هناك وممكن مانبعتش مشجعين انا خوفى على الاعيبه يتعمل فيهم حاجه المره اللى فاتت اللى انقذهم انهم فازو واتلهو فى الهيصه جوا الملعب والعيال طلعت بالسلامه
اما عن المشجعين هنا طبعاااااااااااا مصر فيها بالهبل اللى يمسك مطاوى وسنج وتلت وربع بس الحمد لله معندناش بنات زباله زى بناتهم
لكن للاسفغ حومتنا مش هاتعمل حاجه وماحدش يتوقع انها هاتعمل حاجه ومش هاتبعت الناس اللى ممكن تعمل زيهم طبعا انتو عارفين ليه علشان مصر هى الاخت الهبله الكبيره اللى اخوتها الصغيرين بيدوها بالبوكس ومبهدلين عيالها دا من وجه نظر حكومتنا النظيفه
فاربنا يستر على عيالنا الاعيبه ويحميهم وهو وحده قادر يهبهم النصر ان شاء الله
تسلمى وعقبال اللى جاى

الشاعر الفنان أحمد فتحى فؤاد يقول...

الف مبروووك الفوز الكبير
و عقبال الفوز الأكبر على الشقيقة ؟؟؟
دكتورة مدونتك رائعة .. زيارتى الأولى و إسمحى لى أن لا تكون الأخيرة
سلمت يداك

ghada mOhsen يقول...

الف الف مبرووووووووك
بجد مصر دى دايما رافعه راسنا ..
وراح تكسب ان شاء الله ...

دمتى دائما مشجعه ووفيه لبلادك ياعسوله ...
... ;) ,,, ;) ...

Tamer Nabil يقول...

الف الف الف مبررررررررروك للمنتخب المصرى قعبال الجاى ان شاء الله

مع خالص تحياتى

اسمي أحمد .. لو مخانتنيش الذاكره !! يقول...

ما شاء الله .. نمسك الخشب

اسلوب راقي و جميل .. مصر بقا فيها كتاب شباب محترفين كتير أهه
:)

يا ريت اتشرف بحضرتك في مدونتي المتواضعه .. و اشوف تعليقك على صفحاتها

الرابط
http://ra7alaat.blogspot.com/

شكرا لوقتك

صيدلانيه طالعه نازله يقول...

بطوط حبوب :ليه بس دول اخواتنا و حبايبنا و مينفعش نسيبهم فى حالهم
يووووووووه قصدى مينفعش نخاصمهم

صيدلانيه طالعه نازله يقول...

نهر الحب :ميرسى ليكى يا جميله و عقبال الفرحه الكبيره
ساعتها كلنا حنفرح مش انا بس
نورتينى

صيدلانيه طالعه نازله يقول...

كيكى عوووووو:ازيك يا كيكى فينك يا حبيبتى مش بتكتبى جديد ليه
يارب تكونى بخير

مبروك لمصر و ليكى و ليا

بيب بيب بيب بيبيب
مصررررررررررررر

صيدلانيه طالعه نازله يقول...

ستيته حسب الله الحمش:يضرب عيارين بس
ده يضرب المحفظه كلها و يجيب واحده تانيه كمان

انا فعلا فرحانه و ربنا يستر على اللى جاى

صيدلانيه طالعه نازله يقول...

هي وظروفها:ابو كريم و امه و اخواته و اللى انت عايزهم كلهم
بس بلاش حكايه الكلاب دى عشان احنا اتفقنا مع منى الشاذلى امبارح اننا نكون مؤدبين و نحب بعض
وش مبتسم ببلاااااااااهه

صيدلانيه طالعه نازله يقول...

GHARAM :احلى حاجه انى دايما باشوفك فى المناسبات السعيده
مبروك لمصر و ربنا يكملنا على خير
و يكمل شفاكى انتى كمان و ساعتها حاجيلك القاهره و ازورك و اقولك
welcome back

منورانى يا جميله بجد

صيدلانيه طالعه نازله يقول...

عاشقة القمر:ميرسى ليكى و لكل السودان

و طبعا كلنا عارفين مدى فرحه العرب

كلها لينا و معانا

نورتينى

صيدلانيه طالعه نازله يقول...

adel:هههههههههههههههه

مفيش فايده فيك ابدا يا عادل

احنا لازم فى كل المناسبات يبقى لينا

راعى رسمى

اعترض بقى

صيدلانيه طالعه نازله يقول...

لولا وزهراء :و الله فى الظروف دى السكوت فعلا من دهب
عشان الحكايه فعلا مش ناقصه
ربنا يكمل فرحتنا على خير ان شاء الله
سلامى لزهراء

صيدلانيه طالعه نازله يقول...

ابو على :و لا حرب و لا حاجه
الاحسن هو اللى حيفوز

صيدلانيه طالعه نازله يقول...

أبو حميد:يوم و يعدى يا فرحنا احنا يا فرحوا هما
بس المهم يعدى فعلا

صيدلانيه طالعه نازله يقول...

قبلاوى:مصر كلها فرحانه بيهم
ربنا يكرمهم قد ما فرحونا

صيدلانيه طالعه نازله يقول...

Ashraf :حسن شحاته ده عسل و مفيش زيه
المنتخب كله بركه و رضا
كلهم كانوا اكتر من رائعين

صيدلانيه طالعه نازله يقول...

سبايدرمان spiderman :انا قلت الاعلام يتكتم مش يسكت

وش احمر و مكشر
هههههههههههههه
نورتنى يا سبيدر

صيدلانيه طالعه نازله يقول...

واحدة مفروسة :روسه يا جميله
حضرى اللب انتى بس و متقلقيش خالص
و ادينى حادعى معاكى
يااااااااااااااارب

صيدلانيه طالعه نازله يقول...

richardCatheart :البكرى دايما يا اختى بيقولوا عليه اهبل حضرتك و بالتالى دى حقيقتنا ووضعنا

ربنا يستر على لاعيبتنا و ناسنا و الدنيا كلها لغايه ما يعدى الخميس

على فكره و متقوليش لحد
اصل انا برضه شقيقه كبرى
ههههههههههههههههههههه
نورتينى و مبروك لينا

صيدلانيه طالعه نازله يقول...

الشاعر الفنان أحمد فتحى فؤاد :

عقبال الفوز على الشقيقه و ابنه العم و بنت الخال
ههههههههههههههه
و يا فندم حضرتك تشرفنا بالزياره فى اى وقت

صيدلانيه طالعه نازله يقول...

ghada mOhsen :دودو اهلا بشاعرتنا الجميله
ايه الرقه دى يا امى
ههههههههههههههههه
ميرسى ليكى على الزياره و اتفضلى شربات الفوز يا جميله
بس اوعى يتكب على الفستان
اصل لونه احمر
هههههههههههههههههههههه

صيدلانيه طالعه نازله يقول...

اسمي أحمد .. لو مخانتنيش الذاكره !! :

بقالك ساعه بتشكر فى المدونه و مفكرتش تقول مبروك عشان الماتش

شكلك يا من الكاميرون يا من الجزاير
و فى الحالتين كل الناس الموجوده دى حترحب بيك خاااااااااااااالص
هههههههههههههههههه
نورتنى

صيدلانيه طالعه نازله يقول...

Tamer Nabil :مبروك ليك و لمصر كلها يا تامر و عقبال كل منافساتنا الجايه
و ربنا يهدى النفوس

emymony يقول...

اول زيارة ليا فى مدونتك الجميله
حسيت ان دمك خفيف مووت واتمنى نبقى اصدقاء ومش هتكون اخر زيارة ان شاء الله بس اخلص بس من الامتحانات ومش هسيب حد فى حاله ههههههههههه
والف مبروووك لمنتخبنا والله سبت المزاكرة وقعدت اتفرج على الماتش مع ان تانى يوم كان امتحانى
تقبلى مرورى
تحياتى
ايمى

م/محمود فوزى يقول...

ازيك يادكتوره
بصراحه كانت حاجه تفرح اننا فزنا وصعدنا للدور قبل النهائى

صحيح كان فيه ثقه شويه فى الفوز على الكاميرون
احنا عاده بفضل الله بنفوز عليها حتى ولو كنا فى حاله مش كويسه
الحمد لله
حتى هم كانوا محروقين قوي ولما دخل هدفهم فى الاول كانوا فرحانين فرح مليان غل

بس الحمد لله
من يضحك اخيرا يضحك كثيرا

طبعا منتخبنا بعون الله فريق متميز ومرشح بقوه باذن الله ياخد البطوله

بس معلش ملحوظه
منتخبنا لما تكون حالته مش كويسه هو لصالحكم برضه يامعشر الدكاتره والصيادله
ادويه الضغط والسكر هايبقى عليها سحب
انما دلوقتى فانتم شغالين على جمهور الزمالك بس
وهم اصلا قليلين وممكن يتناقصوا كمان

فيه مثل بيقول
مصائب قوم عند قوم فوائد
هو انتى بصيتي للموضوع من وجهه انظر دي وهاتضحى بالمكسب عشان مصر
ههههههههههههههههههههههههه
فى كل الاحوال متخفيش مازال الزمالك على العهد وسبب لمكاسب كبيره لكم

طبعا ده كله مش قر وحقد عليكم ولا حاجه
ده غل دفين
هههههههههههههههههه
ربنا يكرمكم ويسعدك

صيدلانيه طالعه نازله يقول...

emymony:هههههههههههههه
اتلككى و قولى سيبت المذاكره عشان الماتش
مبروك ليكى و لينا و مستنياكى عندى بعد الامتحانات و حسيبلك سرير فى المدونه عشان لو حبيتى تذاكرى هنا
هههههههههههههههههههه
ربنا معاكى

صيدلانيه طالعه نازله يقول...

م/محمود فوزى :يا بااااااااى على الحقد بتاع البشر
حتى الزمالك اللى كنا شغالين بيه و عليه بدا يتحسن و الحاله حتبقى ضنك
ههههههههههههههههه
مبروك لمصر و للجزائر الصعود للدور قبل النهائى و يارب مصر تكسب ان شاء الله
و نتقابل بكره ان شاء الله بالعلم و الزمامير
نورتنى

اسمي أحمد .. لو مخانتنيش الذاكره !! يقول...

ازيك يا دكتوره .. ما شاء الله عيكي .. ايه المدونه الراقيه دي .. تحفففففه بجد و الله

ربنا يبارك فيكي.. أما عن فوز منتخبنا .. فألف مبروك لكل مصري ..و الحمد لله .. ربنا دايما بيعوض اللي يصبرو

اتشرفت بمعرفتك يا دكتوره و ان شاء الله من متابعين حضرتك دايما

اتمنى تشرفيني في مدونتي المتواضعه .. هي طبعا مش زي مدونة حضرتك .. بس نص نص يعني .. أصلي لسه بادء تدوين من أسبوووووووع :(

الرابط

http://ra7alaat.blogspot.com/

نوريني