الاثنين، 25 فبراير 2008

الصديقه سوسو

اثناء قيامى بأرذل واجباتى المنزليه الا و هى نشر الغسيل اخترقت اذنى اصوات غريبه و مدافع كلاميه مش فاهمه منها و لا كلمه و نقاش حاد بللاوندى وبضرب بعينى كده لاكتشف ان الصينيين وصلوا بسلامه الله و احتلوا البيت اللى جنبنا

باليل لقيت سيف ابنى السوسه طالع يقوللى بابا بيكلم واحده حلوه تحت ولسه حانزل اشوف مين دى لقيته بيرن عليًه وبيقوللى كلمى و لقيتها واحده من المحتلين الجدد و ابتسمت لها ابتسامه الضرايرو بدأنا رحله الطلبات
اول حاجه طلبت منى اكتب لها عنوان بيتها فى عشر ورقات لاصحابها علشان يوروها لسواق التاكسى علشان يوصلهم لان العربى بتاعهم ضعيف و الانجليزى موصلش عندهم لسهوبعد ذلك قالت لى شكرا و مشيت.
شويه لقيتها جايه مع واحده صديقه زى هى مابتقول و قالت الانبوبه بتعمل فسسسسسسسس و بعد نقاش طويييييييل اتفقنا انها تشترى منظم جديد وطبعا كان الطلب الجديد انى اكتب لها ورقه بعنوان المحل وسالتنى التاكسى ياخد كام و يبدو من السؤال ان ليها ذكريات سوده مع التاكسيات وشيوا بعد ما سابوا عندى حاجات كانوا شارينها
بعد شويه دخلت صديقه اخرى منهم عايزه تشترى حاجات من الصيدليه و فضلت تقارن الاسعارو اما لقيت ان العبوات الكبيره اوفر اشترتها
وشاورت على ورق التواليت "دى كام"رديت 1,75 بصت لى و ظهرت السواسه هو 1,5 بس و حاخد 6 يعنى يكون ارخص عشان كتير ابتسمت ابتسامه صفرا و سكت اهى برضه ضيفه و دفعت الحساب و باى باى
و سالت الصديقه بعد ما رجعت بالمنظم انتى بتشتغلى ايه قالتلى لسه قال يعنى من كتر الشغل فى بلدنا
و كانوا معجبين جدا بشادن بنتى وكل مايجوا يدوها شيكولاته اصلها فيها ملامح منهم و بصراحه كل ما يدخلوا عندى و الناس تشوفهم يجوا يشتروا اى حاجه علشان يتفرجوا عليهم و يسألونى بتتفاهمى معاهم ازاى و بفكر اجيب واحده منهم تشتغل عندى و نلم بيها الزباين بدل الركود اللى احنا فيه و اهى التجاره شطاره و لتكن
الصديقه سوسو

هناك 5 تعليقات:

ashrafmarzouk يقول...

good luck with all best of wishes
chineese are very cleaver
Ashraf

د. شلافيط يقول...

ممتاز......... طبقي المثل القائل (أحب سوسووووووووو)

Wael يقول...

فعلا الصينيين شاطرين جدا
كفايةانهم مسافرين عبر القارات عشان يبيعوا سلعتهم , والغريبه ان الواحدمن عندنا يوزن عشره من عندهم وعنيه ااااااد عين البقرة ومع ذلك مش قادرين نوصل لنص اللى هما وصلوله .
ماعلينا ...
تدوينه جميله جدا . بالتوفيق دائما

كريمة يقول...

السلام عليكم
الصينيون قادمون و بقوة هم و منتجاتهم و استراتيجية اغراق الاسواق بالسلع الرخيصة ذات الجودة الردييييئة
هنا في المغرب عندهم اسواق خاصة ملييئة ببني الاصفر و تعودنا على وجودهم خلاص
لا اخفي اعجابي بديناميكيتهم ....

mostafa rayan يقول...

بمااني مصري وبحب البلد دي رغم كل القرف والعوء اللي بشوفه فيها فنابشجع المصري علشان كدة بعترض انك تشغلي حد صيني معاكي