الأحد، 7 يونيو، 2009

اقترب الحلم من الضيااااااااااااااع

الحمد لله اقترب الحلم من الضياع و بالمناسبه السعيييييييييييده دى

احب اوجه الشكر لكل من اسهم و سيسهم فى ضياعه

بصراحه اللعيبه كلهم لم يدخروا وسعا عشان المباراه تخرج كده و اكتر من كده

كمان لولا شذوذ لاعب مارق منهم هو محمد ابو تريكه المعروف عنه دائما

ميوله لاسعاد الجماهير المصريه و ده المفروض انه خروج عن خطه المباراه

و هناك انباء عن توقيع اقصى العقوبه عليه بسبب فعله الخااااااااارج

شكر خاص جدا للحضرى باشا على جهوده العظييييييييييييييييمه من اجل اسعاد

الجماهير العرييييييييييييضه(الجزائريه طبعا) لان المصريين وحشين بطبيعتهم

و الله يا جماعه اى حاجه هتتقال هنا مش حتوفيكم حقكم خااااااااااالص

حسبنا الله و نعم الوكيل

و الله انا رأيى اننا نبعتهم دارفور

لانه اما النصر و اما الشهاده

النصر الحمد لله ضاع

يمكن تلحقوا الشهاااااااااااااده

هناك 23 تعليقًا:

يوميات شاب منوفى يقول...

بجد حاجة تحرق الدم الامور كانت ماشية حلة لحد الشوط التانى والانيهار اللا حصل دة سببه الاصرار على شوقى وعمرو زكى وزيدان دول كانوا لاازم يتغيروا من اول الشوط التانى وينزل احمد عيد واحمد حسن
يارب مصر توصل كاس العالم قبل ماموت

أبو ملك يقول...

انا اقترح بدل ما تبعتيهم دار فور ممكن نبعتهم دار المسنين اللى على اول الشارع ، ايه الخنأة دى احنا ناقصينهم يعكننوا علينا، اللى غايظنى انهم عشمونا بالمبارة فى الشوط الاول و بعدين هوب ... جابونا لمس اكتاف
بقولك ايه بما انك اجزجيه ممكن تشوفيلهم شريطين مضاند حموى يخلصنا من الفرقة دى ، و يبقالك الاجر و الثواب.
و سمعنى سلام
المصريين اهمة

Foxology يقول...

لالالا احنا نبعتهم غزة احسن

عليه العوض

تحياتى

احاسيس آيوشه يقول...

مش عارفة اقول ايه انا مش بحب الكورة بس امبارح اتفرجت صدفةعلى الشوت التانى وجالى شلل منهم بجد
عليهم بقى يفوزوا فى باقى المباريات
بس اصلا انا من الاول مكنش عندى امل انهم هيكملوا لليابان وعلى راى شخص قال يتهزموا هنا 1:3 احسن ما نتهزم هناك 7:صفر وتبقى هى دى حرقة الدم فعلااااااااا

مسدس صغير يقول...

الشهادة افضل لهم
بس انا رأيى الحضرى يفجر نفسه الاول فى ساحة القتال
ربنا يتولانا
وربنا يارب يوفق الجزائر فى كاس العالم

همس الاحباب يقول...

هههههههه
يا ريت يستاهلو الشهادة
دول يستاهلو الدبح بصراحة
ده تهريج وقلة ادب
حسبنا الله ونعم الوكيل

Desert cat يقول...

حبيبتى عندك شك اننا المصريين حيوية وعزم وهمه
ويا حسرة عليها حسرة عليها

المعلم محمد صاحب المطعم - طعمية سخنة يقول...

.............................
و انتي حارقة دمك كده ليه !
احنا اساسا منعرفش يعني ايه كرة قدم
بصي للدوري الانجليزي او دوري ابطال اوربا
لكن احنا اسمنا منتخب السلاحف

انا لسه معرفش النتيجة غير بعد ما قريت البوست و دورت علي النت
ولا عرفت بالماتش غير قبله امبارح بنص ساعه ! ولا فتحت التليفزيون اتفرج !

مش عارف ليه حاسس ان اللعيبة كلها واخدة رشوة تتغلب !

tarek momen يقول...

للذكري فان الذكري تنفع المؤمنين
احب افكرك بصفر المونديال
اللي هو مونديال جنوب افريقيا
اللي التصفيات دي المؤهلة له
تحياتي

MǿиY El-Shreef يقول...

ههههههههههه

معلش ماتحرقيش دمك

ادي اخره اتحاد البيزنيس وعين التخين هههههههههه

انا كنت بشجع الجزاير اساسا

:)

د/على خميس يقول...

السلام عليكم و رحمة الله و بركاته
أكيد حضرتك أهلوية ...علشان كده مركزة على الحضرى؟؟؟؟!!!!
هما الأهلوية كده ..نادى الحزب الوطنى و الحكومة و الفتونة!!!!!


اسجل اعتراضى !!!!!
نسأل الله أن يفرج هم إخواننا فى دارفور و يعيننا على مساعدتهم بدل ضرب المثل بمعاناتهم فى الكورة

أنا آسف ...بس ساعات الصراحة بتطفح علىّ

تقبلى احترامى لشخصك الكريم
و الإختلاف لا يفسد الود إن شاء الله

Ashraf يقول...

هل العيب عيبهم ام اننا لم نواجه الحقيقه بعد التعادل فى استاد القاهره!
الحمد لله قدر الله و ماشاء فعل

صيدلانيه طالعه نازله يقول...

يوميات شاب منوفى:انشاء اللهربنا يمد فى عمرك و يوصلوا حتى و لو
2100 طوله العمر تبلغ الامل
هههههههههههههه
===================================
ابو ملك: انا رأيى ان اخرهم سم فيران و خساره المضاد الحيوى
ثم ان دار المسنين رفاهيه انا قلت دارفور يعنى دارفور
===================================
Foxology:ارسالهم غزه شرف لا يستحقوه
احنا نبعتهم الجامعه الامريكيه عشان انفلونزا الخنازير تريحنا
=================================
ايوشه:المره دى فى جنوب افريقيا يا ايوش و بعدين انتى مش بتحبيها تنكدى على نفسك ليه يا قمر
ابعدى عن الغم و غنيله
===============================
مسدس صغير:احنا نعمل زى السفاره فى العماره و نلبسهم احزمه ناسفه
و ربنا يكرمهم انشاء الله
================================
همس الاحباب: و كمان الشهاده ضاعت اهى
طب نعمل فيهم ايه
مفيش غير افغانستان
تلحق تطلعلهم تاشيره؟
هههههههههههه
==================================
Desert Cat:بعد اللى حصل راح الشك خااااااااااااااااالص
===========================
المعلم محمد:و ليه يغرموا نفسهم و يدفعوا لهم رشوه و هما كده كده حيغلبوهم
=================================
tarek momen:اللى احنا اتغلبنا فيها
اللى مش حانروحها الا لما نشوف حلمه ودننا
هااااااااااا ايه تانى فكرنى
===============================
mony:ريحتى نفسك من الاول و الله جدعه
===============================
dr Aly:مش حكايه اهلى و زمالك حكايه ان المنظر فى المجمل كان وحش
بس هما قالوا ان الفريق كان عنده حاله تسمم من اكل و كانوا مرهقين
لو ده فعلا حقيقى يبقى ليهم عذرهم
==============================
اشرف:الفريق من فتره شكله مش حلو
================================

!!! عارفة ... مش عارف ليه يقول...

والله أنا افتكر أن نهايتهم هتكون في جنوب أفريقيا

وهنشوفهم هناك بيرقصوا عشرة بلدي على أنغام السامباً

ويقفوا في وسط الملعب بالجلاليب البلدي

والبت بيضا ... البت بيضا

والبت بيضا بيضا بيضا بيضااا

ودمتم
وليد

د/على خميس يقول...

الدكتورة الكريمة
لو تسمحيلى ارشح موضوعك : حقنة بنج
كأحسن موضوع هذا الأسبوع فى مدونة ( اعلن عن مدونتك معانا) عند د / عرفة؟؟؟؟؟؟

micheal يقول...

ههههههههههههههههههههه..طيب أنا حبردلك نارك منهم بأغنية في الألبون القادم حتكون خصيصا للحضري
:)
صدقيني لو كان مايكل عدي في إنترفيو..كانت مصر وصلت كاس العالم
:))
تحياتي

The illusionist يقول...

حرام بجد
انا شوفت موضوعك
حمدت ربنا انى مكتبتش عن الماتش
فعلا
اللاعب ذو المستوى السئ واللى دايما بيخرج عن النص ابو تريكه
اعرف ليه جاب جون
عشان ايه يعنى
بيتفزلك
مش يعمل زى الباشا الكبير
الخطير
اللى ساب الواد يجيب الجون الاول
ويعمل زى الحضرى فى الجون التانى ومينطش على الكوره
ولا يفضحنا فى الجون التالت ويسيبالانفراد زى الفل
ده الدفاع طبعا
واخيرا وليس اخر
الفضايح ستتوالى يوم الاحد والاربعاء
لقاء المسخره الدولى
الله يخرب بيت اللى كان السبب
ويخرب بيتك يا شوشو يا بتاع مجلس الشعب يا شمتان يا
ولا بلاش

د. ياسر عمر عبد الفتاح يقول...

ربنا فعلاً يجازيهم كل خير
همه أسعدول الجماهير (الجزائرية) كثير

احنا مش بتوع كاس عالم
ملناش نصيب فيه


نفسي أعرف هنعمل إيه مع البرازيل

د.محمد يقول...

ur talking is very impressive.sure u r ahlawy .I AM very pleasure for sending my comment for u.In next match we play with PFIZER ,NOVARTIS,PHARCO,AVENTS OR even SEDICO.I am sorry for elongation ,wishing u all happiness and success.

بسنت يقول...

لان الكوره هى بقت اقصى امانينا
فى الشعور بالسعاده ومشاركه كلنا بنتشاركها بدون اى تعصب مع المنتخب طبعا
ولان المنتخب كبير وانتى اكيد عارفه غرور الاعبين اللى فاكرين محدش قدهم
تجرأت الجزائر والصراحه لعبت كويس جدا

ومش عارفه مستخبى ايه تانى
ربنا يستر

أحمد سعيد بسيوني يقول...

خلي عندك امل

ربنا كبير

وكريم

قولي يارب

micheal يقول...

done

الجواز و سنينه يقول...

يابنتى الامل اننا نغلب البرازيل 10 صفر
ههههههههههههه
يعنى احنا هناخد الكاس
اهه فلوسنا بتصصرف على السفر و البعثات و فى الاخر تمثيل مشرف
بالذمه يدونا احنا الفلوس و يلا بينا على هناء ناكلنا جاتوه و نشبع و خلاص

صحصح كل سنه و انتى طيبه يا جميل و بجد انا مبسوطه جداااا انتى عرفتك و الله ربنا عالم انى بتكلم من قلبى