الاثنين، 15 يونيو، 2009

النكته دى.............جديده

تحديييييث

مبرووووووووووووووووووك

لمنتخب مصر الرجاله

فرحتونا و شرفتونا و رفعتوا راسنا

و خصوصا زيدان عريس المنتخب

تحيه ليكم كلكم




فى محافظه اسوان و اثناء امتحانات الثانويه العامه الحاليه

جاء ترشيح مدرس كفيف للمراقبه فى اللجان على طلبه الثانويه الممتحنين

المدرس اعترض و قابل الباشا المسئول راح قايل احنا مالناش دعوه

ده الامر الواقع و لازم تنفذه و تدخل لجنتك

المدرس رفض الدخول لانه المفروض يراقب الطلبه و يمنعهم يغشوا

طب حيشوفهم ازاى؟؟؟؟؟؟؟؟؟؟؟؟؟؟؟؟؟؟

و لاثبات حاله راح القسم و قدم بلاغ رسمى بموقفه و سببه

و ربنا يكرم الجميييييييييع

هناك 29 تعليقًا:

يوميات شاب منوفى يقول...

ههههههههههههههههة عادى دى مصر يامحسن توقعى فيها اى شى وخصوصا الثانويه العامة ام الكوارث فى مصر

صيدلانيه طالعه نازله يقول...

شاب منوفى:بالمنظر ده تبقى ام المهازل

قلب ارهقته الاحلام يقول...

ههههههههههه

عادي ياجماعة هيحس بالطلبة :)

بعدين ف مصر كل شيئ جايز ...

ويقوله خد بإيدي يا ابن عشان اعملك محضر غش ^^ ياحلاوة

دمتي بألف خيرر

تحياتي ,,,

Appy يقول...

يمكن معتمدين انه هيحسس على الطلبه او يسمع بجد ناس مسخره
قله الادب الاكبر فعلا فى جرح مشاعره هما بكده مش عارفين ان ده ممكن يضايقه ويعتبره استهزاء بيه

مسدس صغير يقول...

هههههههههههههههه
عادى
انا رأيى يجيبو المراقب التانى بردة كفيف
عشان تبقى خل
هههههههه
ربنا يكرمهم
احييكى على النكتة
هههههههههههههه

همس الاحباب يقول...

ههههههههه
هههههههه
وكم فيكى يا مصر من العجائب
باسلام لو يخلوا المراقبين كلهم كده
هتبقى الثانوية العايمة بحق
هههههههه
تحياتى

د. ياسر عمر عبد الفتاح يقول...

والله دي نكتة فعلاً
بس نكتة بايخة

أه يا بلد

صيدلانيه طالعه نازله يقول...

قلب ارهقته الاحلام:طبعا حيحس بيهم
قلب الام بقى
ههههههههههههه
==============================
Appy:حيمشى حاطط دماغه على الديسكات او ودنه على الارض
شر البليه ما يضحك
================================
مسدس صغير:دى مش نكته دى حقيقه
منى الشاذلى جابتها امبارح
نورتنى
===============================
همس الاحباب:دى من المضحكات المبكيات
اللى قالوا عليها
================================
د.ياسر:دى كارثه
الراجل اللى حياخد فلوس اشتكى و اللى حيتضر مصر على الغلط
شفت نيله اكتر من كده
=============================

عاشقه الرومانسيه يقول...

حكومه متخلفه
واللى يغيظ ان اى حد فى اى مكان ماسك منصب بيكون عنده تخلف عقلى اصلا
حتى لو رئيس مراجيح مولد النبى

حاجه تفرس وتخلى الاقرع يشد فى شعره
ازاى؟
ياسلام والمدرس ده هيراقب ازاى؟
جاوبى وانا اجاوب

MaNoOoSh يقول...

طب والله المدرس اخد موقف ايجابي
وانا فعلا بحترمه على موقفه ده


البلد بقى حالها ما يعلم بيه الا ربنا

نعكشة يقول...

هههههههههههههه

لأ مسخرة

حلوة

قول كمان :D

سلام عليكِ

شلاطة يقول...

دا الفن والتكتيك والمهارة
اصلا للاسف هما مش فاهمين اناللي بيعملوه دا هيسبب في احراج المراقب
لانه اول ما هيدخل اللجنة العيال مش هيسكتوا
حاجة تغيظ فعلا

tarek momen يقول...

طيب لو الواحد طبق نظرية المؤامرة
اكاد اجزم " بالبلدي اقطع دراعي" ان ماكانش اللجنة اللي اتكلف بالمراقبة فيها تشمل انجال السادة المسئولين
مش كده و لا ايه
تحياتي

Anonymous يقول...

اصل مالهوش واسطه او ظهر
أشرف

الشعب لابد له من حكومه تشكمه يقول...

شوف بقلبه ,المؤمن عنده بصيره مش بصر:))
الشعب دا عليه حجات اهو لما الحكومه حبت تساعده وحطت الراجل المناسب فى المكان المناسب برضه مش عاجبها:))
يانهاااااارى هو فى كده؟ فى مسؤلين عباقره كده؟

enjy يقول...

يبقى انت اكيد فى مصر

الماتش كان حلو فعلا

د/على خميس يقول...

السلام عليكم
D:
شر البالية ما يضحك
بس دى بجد فعلا
بجد بجد يعنى
الله المستعان
و مبروك لمصر
بس النجم الأفضل تريكة الخلوق و الحريف
تقبلى تحياتى

الجواز و سنينه يقول...

الف مبروك المنتخب و طبعا للعريس
انا سمعت العروسه بتتكلم فى القاهره اليوم
و محسسانى انها سيده مصر الاولى و ان لولا الخطوبه كان الواد ده مافرحناش
و اتكلمت على البتاعه اللى كان لابسها و هاريها بوس
ههههههههههههههههههههه
طلعت هيه اللى مديهاله
جتنا نيله فى حظنا الهباب
ههههههههههههههههههههههههههههههه
و انتى عارفه طبعا حكايتى انا و اعلان لوكس
ههههههههههههههههههههههه

نييجى بقى لموضوع المدرس
هيه دى مصر يا عبله و لا تعليق

المعلم محمد صاحب المطعم - طعمية سخنة يقول...

كويس ان مخلهوش يفصل ملح عن فلفل مطحون
جت يعني علي يشوفهم ازاي ! يسمعهم يا ستي !

مشوفتيش عمرو اديب و اللي قالوا للعيال ملكمش كراسي عشان تمتحنوا !؟

عاشقه الرومانسيه يقول...

رجعت تانى

بس علشان اقولك كل سنه وانتى طيبه
وربنا يحقق كل احلامك ياااارب
وايه يعنى لما تاكلى رز باللبن بالايس كريم فى اسكندريه
ده انا بموووووووت فيه
وخصوصا انى اسكندرانيه
(:
تتعوض السنه الجايه ياجميل
بحفله روعه
ومن غير ماتشترى لوكس زى دودى
هههههههههههههههههه

صيدلانيه طالعه نازله يقول...

عاشقه الرومانسيه:و مين قال انهم عايزينه يراقب يظهر ان فعلا فيه ابن حد مهم فى اللجنه و عايزين يروقوه
===================================
Manoooooosh:الراجل من زهقه بلغ البوليس يستغيث بيه من الغباء
==================================
نعكشه:مش فاضيه اقول تانى عشان لسه فيه نكت تانيه جايه حابعتهملك فى سى دى اسهل
================================
شلاطه:طبعا مش حيسكتوا حيشتغلوا غش عدل حد عاقل يلاقى فرصه كده و يضيعها
===================================
tarek momen:انا برضه متهيألى كده برضه
===================================
غير معرف:اكيد طبعا
===================================
الشعب لابد له من حكومه تشكمه:احنا فعلا شعب ميملاش عينه غير التراب
و لا يعجبه العجب و لا الصيام فى رجب
=================================
engy:طبعا فى مصر امال فى بولاق
سيبك انتى الماتش هو اللى فرحنا و يارب دايما مفرحنا و عقبال الباقى
==============================
dr.Aly:بجد و الله جابتها منى الشاذلى فى العاشره
الماتش طبعا كان اكتر من رائع و من غير نفاق كلهم كانوا و لا احلى و لا اروع
وش و مطلع لسانه لشوبير و علاء صادق كبيرى مشرفى سلخانه المنتخب القومى
و اييييييييييييييه
==================================
الجواز و سنينه:ده عريس و لا كل العرسان وش مى كان حلو علينا كلنا
و بلاش الحقد يا دودى عشان يعنى مفيش حد عبرك بحاجه تقومى تبثى سمومك كده على الهوا
هههههههههههههههههههههه
===================================
المعلم محمد بتاع الطعميه:حلوه حكايه فصل الفلفل عن الملح دى بس برضه دى اسهل من المراقبه
هههههههههههههههههه
=================================
عاشقه الرومانسيه:و انتى طيبه يا سكر و شكرا على الزياره الخصوصى دى
و الرز باللبن ده انا اللى اخترته بمزاجى لانى باموت فيه
من الاخر مفيش حاجه وحشه فى اسكندريه
نورتينى
================================

GHARAM يقول...

طبعا مبروووووووك لمصر



اما بخصوص المدرس الكفيف


بصراحه انا احترمته لأنه عنده ذمه وضمير حي ،وراجل أمين مع نفسه ومع مجتمعه


اما العجيب فهلا أن يتم إختيار مدرس كفيف للمراقبه، حسبي الله ونعم الوكيل على الذمم الأستك والبلاستك

احساس لسه حى يقول...

عزيزتى

اول شئ

مبروك لمصر عملوا ماتش حلو

تانى شئ

اكيد عادى ان يحصل خطأ ما لاكن النكته انهم يصروا على الغلط ده وميحولوش يصححوه دى مشكلتنا

تالت شئ

خدى بالك من المدونة اللى اسمها قطة الصحراء

دى مدونة مهتمة بس لتشوية صورة الاسلام والهجوم عليه

ومدونها ملتع للملحديين واللى بيهجموا الدين الاسلام والقرأن وسيدنا محمد

وروحى شوفى مدونتهم هتعرفى قذارتهم وقذارة قطة

وتعرفيها كويس

انا كاتب كام بوست عنها يوضحلك دى ايه ويعرفك عنها كتير

تحياتى

سلام

المعلم محمد صاحب المطعم - طعمية سخنة يقول...

لا مش اسهل بقي
الملح اصعب هههه

ahmed_k يقول...

أولا إزيك يا دكتوره
وأعتذر عن تأخري الفتره الماضيه
لأسباب فنيه ههههه
المهم واضح أوي أنك عندك إهتمامات كرويه كبيره
وفعلا منتخبنا يستحق التهنئه على أدائه في ماتش البرازيل اللي أبهر العالم وأحرج نجوم السامبا وحطهم في حيص بيص وكنا أقرب للفوز لولا عدم التوفيق أحيانا وتواطئ الحكم أحيانا أخرى بس الحمد لله الماتش كان روعه ونقل صوره مشرفه للكره المصريه

وبخصوص النكته
بجد القصه دي ؟؟؟؟
وهو أصلا إزاي مدرس كفيف
بيدرس أيه ده أساس ؟؟؟
ومسئول أيه اللي قالله لازم تنفذ
هو مش واخد باله ولا بيتغابى هههه
عموما أبتسم أنت في مصر

صيدلانيه طالعه نازله يقول...

Gharam:هى دى مصر بلد المتناقضات فريق بيرفع راسنا لفووووووووووق و ناس تانيه بتبذل قصارى جهدها عشان تخلينا تحت
اهلا بيكى هنا و ياريت نشوفك دايما
===================================
احساس لسه حى:الماتش كان جميل و ياريت الباقى يبقى زيه او احسن
بالنسبه لمدونه قطه كل واحد عامل مدونته عشان يكتب اللى هوا عاوزه و من حقك تتفق او تعترض معاها وده الغرض من كتاباتنا كلنا عرض وجهه نظرنا و كل واحد حر بقى و اللى يشيل قربه مخرومه حتمطر عليه لوحده
===================================
طعميه سخنه:اقولك ازاى سهله حط الملح و الفلفل فى شويه ميه الملح حيدوب و الفلفل لا كب الميه الفلفل حيفضل فى قعر الطبق
لحسه من قعر الطبق فى مناخيرك حتفضل تعطس تعطس و تعرف بقى انه فلفل
هههههههههههههههه
===================================
Ahmed-k:اولا حمد الله على السلامه و عود احمد
الماتش فعلا كان اكتر من رائع و ربنا يكمل الباقى كده حتى لو ما فزناش و يبعد عنا شوفير و الكاذب
اما موضوع المراقبه حقيقى و متسألنيش ازاى لان كل حاجه فى بلدنا محتاجه 100 ازاى

Foxology يقول...

والله مسخرة اللى بيحصل ده

مصر بلدنا بأة اه بنبهدل البرازيل بس برضه بنعين مراقب كفيف للأمتحانات :))

تحياتى :)

Abd-Alrahman يقول...

هههههههه
ممكن يمنعهم عارفة ازاي
يستعين بصديق
هههههههههه
مدونتك من المدونات الجميلة الي دخلتها
عجبتني طريقتك جدا في الكتابة
بالمناسبة انا كمان صيدلي
وانا كمان اسيوط
بس الحمد لله انا مش طالع نازل انا رايح جاي
ههههههههههههههه

لو تكرمتي وجيتي زورتنيني ف مدونتي المتواضعة الي هتلاقيني معبرتهاش من شهر واحد الي فات
هتعرفي كل التفاصيل
يسعدني ان اتعرف عليكي


دمتي بخير

الصيدلي المطحون

من غير عنـــوان يقول...

شر البلية ما يضحك

أمنياتي