السبت، 28 فبراير، 2009

كل سنه و انت حلوه

ياااااااااااااااااااه اد ايه الوقت بيعدى بسرعه زى دلوقتى من سنه تلقيت اول تعليق
فى مدونتى الجديده و كانت التدوينه عن عصام الحضرى بعد هروبه العظيم من الاهلىو التعليق
كان من فرجينيا صاحبه مدونه جواز و اتجوزنا ........قد ايه فرحت بيه ساعتها و مازالت هذه
الفرحه تلازمنى كلما فتحت المدونه و لقيت تعليق جديد و الفرحه بتبقى اكتر اما حد اول مره يعلق عندى
و فاكره كمان اول مره اتشتمت فى المدونه و كانت من واحد حتى مش فاكره اسمه و كان بيشتم كل
اللى رد عند نواره على بوست معين و فاكره انى اتضايقت جدا و اتصلت بآبى عشان اعرف ازاى امسحهم
و بصراحه ساعدتنى كما هى دائما
باوجه شكرى لكل الناس اللى شجعتنى و شرفتنى و علقت عندىو على رأسهم زوجى العزيز
الغير معرف لكم و ناس كتيييييرتانى مش حاكتب اسامى لانهم كتير و اى حد زارنى قبل كده
يعتبر الكلام موجه ليه
شكر خااااااااص جدا لمفروسه حبيبتى و اقولها الف سلامه عليكى
اما مشكلتى اللى نفسى احلها انى اقدر اتواجد معاكم بصوره اكبر و اكتر بس للاسف الوقت مش مساعدنى
عشان كده ساعات باقعد وقت كتير مختفيه و مش بقدر حتى ازور مدونات مجرد زياره
فارجوكم ادعولى انى اقدر انظم وقتى مش علشان المدونه بس لا فى حياتى كلها و ربنا يسهل انشاء الله
مره تانيه كل سنه و انتى طيبه يا مدونتى و كل سنه و اصحابك اللى قدك و اللى اكبر منك
بالف صحه و سعاده

هناك 30 تعليقًا:

Appy يقول...

كل سنه وانتى وهي طيبين يا قمر وفى وسطنا دايما

واحدة مفروسة يقول...

كل سنة و انتى طيبة ياقمرة
هيه التورتاية ديه حتتاكل امتى علشان ابقى آجي آخد حته

بسنت يقول...

كل سنه وانتى طيبه
وعبقال التدوينه المائه باذن الله

على فكره
واحه الغروب وشيكاجو
روايتان يستحقان القراءه فعلا انتهيت من قراءتهم مؤخرا جدا وشفتهم فى المفضل عندك

دمتى طيبه

مسدس صغير يقول...

كل سنة وانتى طيبة

وعقبال 200 سنة تدوين..

ahmed_k يقول...

كل سنه وأنتي بخير ومبدعه
وكل سنه ومدونتك متألقه ومن نجاح لنجاح
وعقبال مييييية سنه

Foxology يقول...

كل سنة والمدونة بخير ودايما فى نجاح ووجود مؤثر :)

تحياتى :)

فتافيت يقول...

الله عليا.. اول يوم ادخل عندك اقولك كل سنة وانتى طيبة
وعقبال مليييييون سنة

تقبلي مروري

وعاجبني اوووووووووي الوصف بتاع المدونة تحفة بجد

لو فضل حتة من التورتة تبقى ليا بقى :))
سلااااام

Hossam يقول...

سلام عليكم
اول زيارة ليا بس بجد مدونتك لذيذة اوى
وكل سنة وانتى طيبة
وعقبال الف سنة للمدونة بتعتك ان شاء الله
تحياتى
سلام

mayada يقول...

كل سنه وانت طيبه يادكتوره
ومنوره التدوين ياجميل

عاشقه وغلبانه يقول...

كل سنه وانتي والمدونه كيبين ياجميل
عقبال مليون سنه

فين الجاتوه والبيبسي

Ashraf يقول...

كل سنه وانت طيبه ياحبيبتى وعقبال ماتطبعى اول كتاب
وعقبالماتطلعى فى التليفزيون والراديو
ولذا ادعو لبرامج مخصصه فى الاعلام للمدوانات وتأخذ وقت اكبر
بدل من البرامج الروتينيه المتفلسفه اللى ماحدش بيسمعها غير اصحابها
أشرف

الجواز و سنينه يقول...

يااااااااااه
كل سنه و انتى طيبه يا دكتوره
و الله يا بنتى انا مبسوطه بمعرفك جدا
و اسعدنى اكتر انى كنت اول تعليق عندك
و تخيلى السنه دى عدت بسرعه و يارب تكون المعرفه بنا معرفه خير يارب

ِِAdem El-Mahdy يقول...

كل عام و الندونة طيبة

وبس

كوارث يقول...

كل سنة وانتي طيبة وان شاء الله تكون السنه اجمل من اللى فاتت بكتير ..
المدونة جميلة وتستاهل احتفال أكبر من كده كمان ..

صيدلانيه طالعه نازله يقول...

Appy:كل سنه و احنا كلنا مع بعض دايما رغم اختلاف التوجهات
===========================
مفروستى:التورته دى للتصاوير جنبها و بس و اياك حد يمد ايده
دى تورته مفخخه
ههههههههههههههههه
===================================
بسنت:طلعتى صيدلانيه يا بوسى
يعنى معانا فى منتخب العذاب
لا و كمان ليكى فى القراءه
شكلنا حنبقى اصحاب
و كل سنه و احنا جميعا بخير
================================
مسدس صغير :250 سنه لو سمحت
و ميرسى على التهنئه
==============================
ahmed_k:ميرسى ميرسى على الثناء البديع ده جايه من مبدعه
و متخافش بعتلك حته زيهم من التورته المفخخه
================================
Foxology:شكرا ليك و كل سنه و انت كمان طيب
================================
فتافيت:ميرسى يا قمر
شكل حماتك بتحبك لان اول مره تيجى لقيتى تورته ياللا زاحمى عشان تاخدى حته
على فكره مدونتك جمييييييله جداااا
=================================
Hossam:ميرسى على ذوقك و زيارتك و عقبال عندكم
=================================
Mayada:و انتى طيبه يا سكر و سلامى للاستاذ القمر اللى فى الصوره
==================================
عاشقه و غلبانه:الجاتوه حتلاقيه على جنب عندك فى المدونه و البيبسى خفت ابعته لاحسن يتكب و يغرق المدونه
هههههههههههههههههههههههه
==================================
Ashraf:ياريت عيد ميلاد المدونه جه من زمان عشان كلمه حبيبتى دى لا و كمان النهارده معلق باسمك
دمت لى دائما بخير و صحه و مشجعا لى دائما على التقدم
الباشا جوزى يا جماعه
هههههههههههههههههههههههه
===============================
الجواز و سنينه:شفتى الوقت عدى بسرعه ازاى كانه امبارح
و الحق انى سعدت بمعرفتك جداو مازلت اترقب اننا نلتقى و لو صدفه على النت لان بقالنا فتره مكلمناش بعض
و كل سنه و انت طيبه يا قمر
================================

Adem El-Mahdy:كل سنه و انت بالف صحه و سلامه و شكرا للزياره
==============================
كوارث:يارب فعلا تكون السنه دى احلى من اللى قبلها
شكرا ليك
=================================

موناليزا يقول...

كل سنة وانتوا طيبين

صبرني يارب يقول...

كل سنه وانتى طيبه يا قمر انتى ومدونتك

وانا برضه مدونتي كانت عيد ميلادها فى فبراير

مش انا قلت ده شهر العظماء يا ناس

شكرا على الزياره يا قمر

صيدلانيه طالعه نازله يقول...

موناليزا:و انت طيبه و بالف صحه و خير
===================================
صبرنى يارب:تخيلى فعلا معظم المدونات الموجوده حاليا بدأت فى شهر فبراير 2008
غالبا لان المدنات بدأ التركيز عليها فى الاعلام فى الفتره دى
ميرسى خالص على الزياره و كل سنه و انت و مدونتك بخير
=================================

نعكشة يقول...

كل سنة و انتي و المدونة حلوين

و يا رب يا رب تبقى في ميزان حسناتك

ربنا يعينك و يكرمك و يباركلك في وقتك

آمين

سلام عليكِ

حسام غانم يقول...

كل سنة والبلوج طيب

وانتي كمان ..

رئـــــيسـة حزب الأحلام يقول...

كل سنة وانتى طيبة
ويارب دايما موفقة وتفضل مكان فضفضتك الجميل اللى مليان بالمحبين
وانا كمان عيد ميلاد مدونتى اليومين دول عقبال الف سنة تدوين
مش سنة واحدة تحياتى لكى

سومه...مجنونه فى بلد عاقل يقول...

كل سنه وانتى طيبه
وربنا يقدرك ديما على تنظيم وقتك تصدقى انى نسيت اعمل عيد ميلاد لمدونتى

norahaty يقول...

Happy birthday 2 U:)
Happy Birthday To You.:)
كل لحظة وانت وانا وكل
الناس بألف خير يادكتورة
ويارب دايما منورة البلوج
وغايظة وزارررررررررررررة
المالية ومصلحة الضرائب كمان
فعلا فعلا فعلا بحس كتير أن الصيادلة
بياخدوا بتارنا(نحن المعذبون فى الارض)
الاطبااااااااااااااااااااااء
تحياتى وسلاماتى ودعواتى

الجواز و سنينه يقول...

علا و الله عايزه اقولك انك عثل و الله
و ردك عليه زى السكر
و ضحكنى اوى اوى اوى ردك على دكتور اشرف
ربنا يخليكوا لبعض
انا نادر اوى لما ارد على بوست واحد مرتين بس صراحه البوست ده يستاهل

صيدلانيه طالعه نازله يقول...

نعكشه:و انتى كمان بصحه و عافيه و شكرا على التهنئه
===================================
حسام غانم :كل سنه و التدين كله بخير
انا مبسوطه قوى ان معظم اللى هنانى النهارده شخصيات جديده على و دى فعلا احلى حاجه
===================================
رئيسه حزب الاحلام:ياريت كل مدوناتنا تبقى مكان جذب للناس و تبقى واحه للهدوء النفسى
وكل سنه و انتى و مدونتك طيبين
================================
سومه المجنونه:طبعا انتى طنشتى عيد ميلاد مدونتك عشان تنامى على التورته و البيبسى
من هذا المنطلق بدأت احس انك بخيله
هههههههههههههههههه
كل سنه و انتى طيبه
===================================
norahaty:و الله يا بنتى شكلنا حنطخ يعنى حنطخ و ربنا يستر من اللى جاى و من الضرايب
نورتينى فى اول زياره
================================
الجواز و سنينه:و الله انتى اللى سكر و بعدين لازم برضه الرد يبقى اسبيشيال للهاسبند العزيز زى ما التعليق كان برضه سبيشيال

Bongo يقول...

كل سنة و المدونة طيبة
و عقبال عيد ميلادها المليووووووووون :D

norahaty يقول...

لايافندم
مش اول زيارة!
الثانية او الثالثة :)

صيدلانيه طالعه نازله يقول...

Bongo:ازيك يا جميل فيييييييييينك من زمان واحشانى جدا بس كويس انى اتطمنت عليكم و كل سنه و احنا كلنا طيبين و بخير
===================================
norahaty:عقبال ما تشرفينى فى المره المليون
ميرسى يا قمر
=================================

رئيس جمهوريه نفسى يقول...

هو البوست دة نزل امتى يمكن انا وفي القاهرة في التجمع الله اعلم
عموما كل سنه والمدونة وصاحبة المدونه بخير يارب
والف شكر على ترشيحك لرواية نسف الادمغة لانى بجد المكان اللى بتدور فيه الاحداث جديد بالنسبة ليه انما بقاء معلومات الحشيش والافيون فدى بدايهيات عند كل شباب الصعيد حتى لو مش بيشربوها

صيدلانيه طالعه نازله يقول...

رئيس الجمهوريه بتاعه نفسه:و انت بالف صحه و سلامه
ايه رايك فى نسف الادمغه انا كل ما ابقى فى القاهره و اعدى فى الاتوستراد افتكرها و افتكر كم الموتى اللى ضاعت مقابرهم بسبب هذا المشروع
الروايه تحس و انت بتقراها انك ماشى فى حته ضلمه و خايف تطلع لك حاجه تخضك
بس هيا حلوه قوى و تسيب اثر فى النفس