الأحد، 15 فبراير، 2009

و الله لاروح لشفيقه بيئه



طبعا معظمكم شاف فيلم تيمور و شفيقه بتاع منى زكى و احمد السقا
و عارفين ان شفيقه كانت فى الفيلم وزيره للبيئه و من هذا المنطلق احب احكيلها
اللى حصل معايا و تبقى هيا توصله للسيد بيئه الموجود حاليا او من يقوم بمقامه
يوم الجمعه كنت انا و الاسره السعيده مقضيين اليوم عند حماتشى و اوعى حد
يقولى حماتك و ليه و حد يروح لحماته برجليه لان ده مش موضوعنا اصلا
وراجعه بقى بعد يوم حلو وضاربه كشرى عند طنط يعنى من الاخر عامله
دماغ حلوه و مش عايزه حد يطير لى الحجرين قصدى البصلتين و الدقه و
الحمص و الحاجات الشريره دى اللى بتبقى مع الكشرى دى و رجعنا البيت
و احنا بنركن بالعربيه حاسه ان الدنيا سحب و غيوم و ان المطر خلاص حيرخ
وريحه غريبه كده زى مايكون حد ولع فى نفسه من اى حاجه و ما اكثرها
كل ما اقرب من العماره احس الريحه بتزيدو تزيد و تزيييييييييييييييييييييييييييييد
و انا طالعه السلم حاسه الريحه بتقرب اكتر واكتر قلت بس انا نسيت حاجه على
البوتجاز و الشقه بقى ولعت و كده بس اللى طمنى ان جوزى طلع قبلى
و مستنياه يطلع يصرخ فيا و يجرى من الدخان لقيته فضل فى الشقه وولع
التلفزيون عادى يعنى و الامن مستتب و بكده اطمنت اكتر
بس الريحه برضه وحشه و مدخنه جوه الشقه
وانا نازله اجيب حاجه نسيتها فى العربيه باضرب بعينى من المنور
لقيت حريق مهوول و لا حرائق غابات كاليفورنيا النار كانت واصله للدور
التالت للعماره اللى قصادها النار طب الناس دول لو عندهم حريقه مطلبوش
المطافى ليه ؟؟؟؟!!!!!!! طب مستحملين الدخان ده ازااااااااااااااااااى؟؟؟؟؟!!!!!
دا انا اللى بينى و بينهم 4 عمارات حاموت امال هما عاملين ايه؟؟؟؟؟؟؟؟؟؟
افتكرت انا ان الناس دول عمارتين جنب بعض و عنده طيور و معيز و حاجات
عجيبه كده عايشه معاهم قوم ساع ما ينضفوا بقى بيعملوا اييييييييييييييه؟؟؟؟
يروحوا يلموا الزباله و ريش الفراخ و الحمام على فضلات الحيوانات
على شويه جاز و كبريته وولع فى الدنيا مش عايزه اقولكم الدخان كان قد ايه
قصاد العماره و هما جواها عادى جداااااااااااااااااا
المهم تانى يوم واحدواحد من الاسره المحترمه دىجه يشترى دوا و باقوله
حرام عليكم القرف اللى عملتوه ده و الغسيل باظ و ريحه الشقق اللى بقت
بشعه بصللى و قاللى يعنى نستاهل اننا بنضف الدنيا من الناموس و الزباله
لا و متأثر قوى من كلامى و انى ظالماهم و لك يوم يا ظالمه
انا كل اللى عايزه اعرفه هما كانوا مستحملين كده ازاااااى
طب هما كانوا موجودين فى البيت و لا ولعوها و سابونا نولع معاها و خرجوا
يغيروا جو و كده يعنى على اساس ان الجو عندنا يعععععععععع ملوث
حد يقوللى ابلغ شفيقه و اللا اللى جابو شفيقه و لا ميييييييييييييييييييييييييييين
يا جماعه دى ازيه و ضرر فظيييع للاطفال و الكبار و الله الحيوانات
كمان اكيد بتتضر بس احنا مش واخدين بالنا و قال ايه نظافه
ياخى عنها ما نضفت و خليها زباله زى ما هيا احسن
مش كده و لا ايه

هناك 16 تعليقًا:

Appy يقول...

بغلى البيئه يا حبيبتى هما دلوقتى اصلا بيتحركوا للبلاغات بس عاوزة صبر ومتابعه

Che يقول...

بصى يا دوك ... اللى انتى قلتيه صح و انا موافقك عليه بس المشكله فى اقتراحك انه خلوها زباله احسن ، انا لو ضامن ان الجكومه تيجى تشيل الزباله دى ما ريحتها تفوح و تبتدى تجيب امراض للناس كنت وافقتك على اقتراحك انما الحكومه يمكن ماتجيش تشيلها خالص و شويه يبقى عندنا تل زباله ممكن نعمله آثار زى تل العمارنه كده
فيبقى قرف ساعه ( اللى هى ساعه الحرق ) احسن من قرف كل ساعه ( اللى هى الساعه اللى الحكومه هتشيل فيها الزباله و دى موعدها قيام الساعه ) .. و اخيرا ... هى دى مصر يا دوك

رئيس جمهوريه نفسى يقول...

للاسف هي مش مشكلة شفيقة قد ما هي مشكلة الشعب المصري عموما اللى بيفتقد ثقافهة الحفاظ على البيئة ومشكلة الدولة اللى بيفترض انها توفر فى كل محافظة مصنع لتدوير المخلفات وطبعا لانى الزبالين مش متوفرين والحكومة بتعمل جباية عبارة عن رسم نضافه بيضاف قصرا على فاتورة الكهرباء لازم تكون دى النتيجة

Bondoka يقول...

يعنى جم يكحلوها عموها

جران الهنا
مش عارفه ليه الناس مابقاش عندها مراعاة للجار خالص

انت زعلانه عشان ولعوا فى عمارتهم
احنا عندنا جيران كل يوم جمعه لازم ينظفوا الشباك بتاعم ويرشوا الميه على اى حد تحتهم
غسيل بقى زرع ملخويه ناشفه حتى مالهم دعوه
ومافيش فايده مهما تتكلمى مش بعيد حتى يشتموا كمان

موناليزا يقول...

حقا عذر اقبح من ذنب

blue-wave يقول...

ايه دا؟
انتى مش عامله اضراب ليه؟؟؟
مش كل الصيادله عاملين اضراب؟

نهر الحب يقول...

اضربتى النهاردة ولا لاء؟؟
يابنتى احنا بلد البيئة كلها خربانة عندها
الله يستر علينا

Anonymous يقول...

طيب حضرتك من مرة اوماااااااااااال احنا فى الارياف كل حبة حرايق من النوع دى كتير وكل حبة توليع توليع وكله قوم وقش الرز قوم تااااااااااانى

dr.lecter يقول...

ههههههه تلاقي شفيقه هانم نفسها مربيه فراخ وبط وبتلطع تزغطهم علشان ابو العيال


بس شكلك كده مانضمتيش للاضراب

Foxology يقول...

احنا فى عصر >> اعمل اللى انت عاوزه

اللامبالاة وصلت لدرجة ان اى حد بيعمل اى حاجة ومحدش بيراجعه فى الحاجة دى

يلا ماعلينا

تحياتى :)

Anonymous يقول...

الحمدلله قدر الله وماشاء فعل
ولا حول ولا قوة الا بالله العلى العظيم
الجار ليه حق على جاره و
النبى اوصى بسابع جار
العلم نور والجهل محيط
سواء كان هبل او استعباط او جهل فانها لجريمه
وقد تكون الفلوس مع التيوس
ظل جبريل يوصينى بالجار حتى ظننت انه سيورسه
أشرف م م

صيدلانيه طالعه نازله يقول...

Appy:حنجرب و نشوف و مفيش مشكله فى الصبر و المتابعه
=================================
Che:بلاش نظلم بتوع النظافه بصراحه و الله شايفين شغلهم و زياده بس فى ناس بتتعامل معاهم بغلاسه فبيطنشوهم شويه
=================================

هانى زينهم يقول...

يا دكتور فى تساؤلات ما ينفعش نجاوب عليها زى كدة كتير . اللى سايق تك تك وصوته بيرج الشارع بيستحمل الصوت ده ازاى ؟؟ واللى بيولع فى الزبالة فى الشارع بيستحمل الدخان ازاى ؟؟
البلد دى خلاص عايزة تتسيح وتيجى ع الصاج وتتعمل من اول وجديد .

نعكشة يقول...

فكرة شريرة

بلغي عنهم بتوع الفراخ
هييجوا يقبضوا عليهم

نياه هاهاهها ضحكة شيطانية

..

هما اكيد عالين احتياطاتهم و حاطين فلتر
:D
هههه

ربنا يكون في عونكوا

سلام عليكِ

إيمان يقول...

لأ لأ لأ مش كده يا شكيكه
النبى وصى على سابع جار
وإنتى مش قادره تتحملى دخانة جيرانك
هى الدنيا إتقل خيرها ولا أيه
وبعدين دى مجرد زوبعه فى شارع
مش مشكله الأطفال .. كأنهم واخدين حجرين معسل ... واحيوانات أهى تعمل دماغ شيشه بالريش
لأ إنتى مطلعتيش قلب خاصيه زى ماكنت فكاراكى
سيبك بقه من شفيقه بيئه
وروحى صالحى جيرانك كده عيب
وخديلهم معاكى جركنين جاز تعبيرا عن اسفك
يالا ربنا يهديلك نفسك القلوقه
تحياتى على المواضيع المميزه

صيدلانيه طالعه نازله يقول...

رئيس جمهوريه نفسى:مش عايزه اقولك ان انا بادفع رسم نظافه عن الصيدليه 30 جنيه فى الشهر يعنى 360 جنيه فى السنه و مع ذلك بادى الباشا الزبال 1 كل يوم عشان يتعطف و يواظب و لو رحت ادفع الميه بادفع 25 جنيه عن كل عداد لتجميل المدينه و بتزيد حسب الاستهلاك و مش قادرين مع ذلك نعمل مصنع تدوير مخلفات يفيد و يستفيد
و بسببهم الاخوات الجيران بيتنازلوا و ينضفوا الشارع بطريقتهم
تحياتى
=================================
Bondoka:عرفتى ازاااااااااااااااى انها ملوخيه ناشفه اكيد دوقتيها يا قمر
ههههههههههههههههههههه
تعالى نبلغ انا و انتى بس انتى حتبقى بيئه و لا تموين
نورتينى يا جميله
================================
موناليزا: ربنا يرحمنا برحمته مش متخيله كان بيرد عليا ازاى و انا باعاتبه زى مايكون عايز يقول مش كفايه بانضفكم يا ..........
حنعمل ايه بقى
=================================
Blue wave:اضربنا الحمد لله و ربنا كمله على خير و الحمد لله نسبه رائعه شاركت و ان كان فيه قله قليله مندسه استندلت و فتحت الباب بخباثه للاسف ناس كل همها المكسب القريب و بس حيحصل ايه بعد كده مش مهم
=================================
نهر الحب: اضربنا و كنا رجاله ووقفنا وقفه رجاله و على فكره هو ا كان اعتراض و اثبات موقف و ده اللى كتبناه على اليافطه على الباب انه اعتراااااااااااااااض و ياريت الناس تسامحنا لانه ماكنش ينفع نسكت
===================================
غير معرف: عارفه و الله احنا بنبقى مسافرين على الطريق و بنشم و نشوف الدخان فى القرى و لو كل واحد عمل اللى عليه المشاكل دى حتختفى
ابن عمتى كان فى لندن فى بعثه و بعدين كان فيه فرع شجره داخل على البلكونه و بيضايقهم راح كسره ورماه على الشارع راحوا عملوا له محضر عشان كسر الشجره من غير تصريح و غرامه 50 استرلينى طب لو ولع فى زباله .....كان خد اعدام ده لو كان فيه زباله اصلا
==================================
dr-lecter:شكلى ليه منضمتش للاضراب شايفنى ببيع انتوسيد على النت و لا بقص كيتوفان
الحمد لله شرفت انى كنت من المعترضيييين
و قفلت و سافرت اكتوبر اصيف هنااااااكو اسألوا مفروسه
هههههههههههههههههههههههه
=================================
Foxology:اه و الله فعلا و للاسف باقى الناس بقت مكبره دماغها و مبتعترضش
نورتنى
================================
اشرف المعرف طبعا:التوصيه على الجار للى يفهم معنى الكلمه و معنى الدين و ان الدين معامله اكتر من اى حاجه تانى
==============================
هانى زينهم:حلوه حكايه تتسيح و تيجى على الصاج دى بس الظاهر ان كلامك للاسف صح و يارب ده يحصل فى حياه عيننا
قووووووووول يااااارب
===================================
نعكشه:ايه الفكار الجباره دى طب ما اجيب شعبان عبد الرحيم احسن يغنى للفراخ اغنيته الخالده انفلونزا الطيور و ايييييييييييييييييييييه
==================================
ايمان:ماشى يا ستى انا شريره و بنت ستين فى سبعين و باكره جيرانى اوعى تسكنى جنبى
هههههههههههههههههههههه
==================================