الأحد، 22 فبراير 2009

و الله حرااااااااااااااام


كل ما نقول الامور استقرت تيجى حاجه تنكد علينا

و عمالين نقول ازمه اقتصاديه و كساد و تيجى حادثه بشعه زى دى

تدمر الامل اللى باقى و بدل ما نحل مشاكل الناس اللى القطاع الخاص سرحهم

نضيف عليهم كمان الناس اللى حتتضررمن الركود السياحى اللى حيحصل بسبب الحادثه دى

مش ممكن اللى عمل الحادثه دى يكون مصرى اولا و لا حتى مسلم متعصب

لان اى واحد جاهل و عبيط عارف قدسيه المكان ده و عارف انه غالى علينا كلنا

على اختلاف ديانتنا و معتقداتنا و بعد الحادثه دى حترجع البلاد الاجنبيه تحذر من الذهاب لمصر

و انها منطقه خطره و انها و انها وانها طبعا كلنا عارفين

اللى فجر القنبله دى مفكرش ان المصريين هناك اكتر بكتير من الاجانب

طب مفكرش ان ممكن حد من قرايبه او اصدقاءه يكون ماشى فى المنطقه

لا و اللى يغيظ ان الاخوه اللى بيكرمونا بكلامهم فى القنوات المختلفه

اللى يقول حادث فردى و اللى يقول زوبعه و اللى يقول بنستنكر و نشجب

طب بعد كل الكلام ده استفدنا ايه ما المصيبه حصلت خلاص

واحد من شهود العيان قال المنطقه متأمنه ازاى و الشحاتين و المتسولين

ماليين المكان طب مش ممكن يكونوا من الجناه

و اللى يغيظ ان الناس كلها اجمعت ان كان فيه سيدتين منقبتين ماشيين

فى المنطقه قبل الحادث مباشره يعنى الناس اللى فى الشارع كانت عارفه ان فيه

حاجه حتحصل فركزوا قوى مع الستات دول و كانوا شايلين ايه؟؟؟؟؟؟؟؟؟؟؟؟؟؟!!!!!!

حاجه عجيبه فعلا

للاسف الحادث على الرغم من قله ضحاياه الحالييييين الا ان ضحاياه الاتييييين حيزيدوا مع الوقت

ربنا يستر و يعدى الازمه دى على خير و سلام

و عايزه اقول لضيوفنا القتلى و المصابين سامحونا مقدرناش نحميكم
ملحوظه:الصوره مأخوذه من مدونه ادهم2009 اللى اخدها من رويتر

هناك 21 تعليقًا:

NIDAAL .R يقول...

هنقول ايه
ده تخلف وجهل من الى عمل كدة
واكيد الاسلام برئ من الافعال دى
علشان الى هييجى يقول انا جماعات اسلامية ومسؤل عن التفجير والله لو عرفته اكون اول واحد مبلغ عنه

والحكومة برده غبية لأن من كتر ما خلت الناس تكتم فى صدورها نشئت الحركات المتطرفة من ذلك الجانب

الله يخرب بيوتهم كلهم

رئيس جمهوريه نفسى يقول...

انا اشك فى التوقيت مع مناقشة قانون الارهاب والغاء قانون الطؤارى والضغوط الامريكية على مصر بشأن الطؤارى من الاخر العملية خايبة فى التنفيذ وتثير الشك فى التوقيت لانى حاليا محدش حيعارض طؤارى او ارهاب

Foxology يقول...

والله يا دكتورة كل اللى اقدر اقوله : البلد ملهاش رابط

وسلملولى على الشرطة والأمن والرتب اللى مالية الحسين

ربنا يصبرنا

blue-wave يقول...

بجد التوقيت دا يخلى اى حد يشك
حاجه تقرف بجد

مسدس صغير يقول...

حسبنا الله ونعم الوكيل

ناس معندهاش دين ولا انسانية

هو الدين كان قال كده

ربنا يجازيهم بأعمالهم

لنا الله

اشكرك على البوست

قوس قزح يقول...

حسبى الله و نعم الوكيل فى كل شخص يقتل نفس بدون وجه حق

ahmed_k يقول...

للأسف البلد مستهدفه من جهات كثيره
ومش بعيد تكون تلك العمليات بيد أجنبيه أو بتمويل خارجي
لأن كلفة المتفجرات بهذا الحجم بتكون عاليه جدا قد تصل لمئات الآلاف من الجنيهات
فضلا عن أن إمكانية التحصل عليها تكون صعبه جدا على الشخص العادي الغاضب أو المتحمس للجهاد كما يدعون

وربنا يسترها بجد الحكايه مبقتش ناقصه

Anonymous يقول...

الحمدلله قدر الله وما شاء فعل
اشرف

صيدلانيه طالعه نازله يقول...

NIDAL.R:لا مش ممكن يكونوا مسلمين بالمعنى الحقيقى دول متخلفين وناس كافره بنعمه ربنا لان الفلوس اللى بتيجى من السياحه مش قليله
ربنا يستر
==================================
رئيس جمهوريه نفسى:و الله نفس الكلام ده انا فكرت فيه امبارح و كان فيه صحفى فى العاشره قال "انا بكره الامن صحيح بس مش لدرجه انى افكر انه ممكن يعمل كده" و الله اعلم بس هيا على العموم فى توقيت نفعهم تماما
==================================
Foxology:الله يسلمك و يسلمهم و يصبرنا معاك
=================================
Blue-Wave:كلنا حسينا بكده بس حنعمل ايه المهم النهارده بدأت اللقاءات الهبله مع السياح و كلام من نوعيه بلد الامن و باحبك يا مصر و العبط اللى بيبقى بعد كل كارثه
============================
مسدس صغير:ربنا يخرب بيتهم بحق جاه النبى وفعلا ربنا يجعل جزاءهم من جنس عملهم
================================
قوس قزح:من قتل نفس بغير ذنب او فساد فى الارض فكأنما قتل الناس جميعا
حاجه تحزن فعلا
=================================
Ahmed-k:مستهدفه على ايه على الفلاحه اللى بتخر و اللا الخير اللى مغرقنا و فايض و بنسلف منه للغلابه
يا عم قول يا باسط
ربنا يعديهاالمره دى على خير لان الازمه الاقتصاديه عماله تكنس قدامها و مش طالبه ارهاب كمان
دعواتك
=================================
اشرف:ربنا يزيح عنا بقى و يقدر الارهاب على نسيان مصر شويه بقى
=================================

واحدة مفروسة يقول...

اسكتى و النبي لاحسن انا مفروسة بزيادة
و حطأ من الغيظ من اللى بيحصل
و مش عافة بيحصل ليه و لحساب مين
حموت و اعرف

رئيس جمهوريه نفسى يقول...

ملحوظة تعليق خارج نطاق التدوينه لو محتاجه نسخ الكترونية من كتابات صنع الله ابراهيم انا ممكن اجيب ليكى اللينكات بتعتها ربنا وفقنى ولقيتهم

الجواز و سنينه يقول...

نقول ايه غير حسبى الله و نعم الوكيل

صيدلانيه طالعه نازله يقول...

مفروسه:لحساب مين معروف كلنا عارفين مين هم اعداء الوطن بس لو كانوا من المتشددين دينيا طب مش المفروض ان المسجد ليه حرمه و المكان حواليه بيستمد قدسيه من المسجد طب هما ازاى يعتدو على هذا المكان اذا كانوا مسلمين
مش عارفه
==================================
رئيس الجمهوريه: اكون شاكره لو بعتللى اللينكات لانى فعلا نفسى اجمع اعمال صنع الله ابراهيم لانها قيمه جدا
==================================
الجواز و سنينه:ربنا يرحمنا برحمته و يحمى بلدنا من شر المستخبى
==============================

nody يقول...

جهل وتعصب وعدم ايمان
نفسى اعرف ازاى بنى ادم يدى لنفسه الحق فى انها حياه غيره

لمجرد اقتناعه بفكره معينه

الضاحكون يقول...

والله الحكايه دى فيها شبهه جامده جدا
لان موضوع ضرب السياحه دى اتنسى من سنين
وتم تفكيك الجماعات المسئوله عنها
والى الان الوضع كان مستقرا نسبيا
الا ان موضوع تفجيرات الحسين ده من الممكن ان نضع تحته الف شرطه
وشرطه كمان من عندى هديه

عبده الرايق

mayada يقول...

ربنا عليهم بجد لان الناس اصلا مكنتش
مستحمله الناس هتنفجر اصلا
ودول جاين يكملوا عليهم

رئيس جمهوريه نفسى يقول...

http://www.4shared.com
ادخلى على الموقع دة واكتبي اسم صنع الله ابراهيم او اسم اى كاتب او كتاب حتلاقي كل النتائج المتوفرة على الموقع انا طبعا مرضتش اجيب لينك صنع الله ابراهيم بس عليه علشان يكون قدامك الحرية انك تدورى على اى كاتب او كتاب ولو احتجتى اى مساعدة انا تحت امرك

funckydoctor يقول...

ماتعرفيش بقى الحسين تانى يوم بقت ازاى
أنا نفضت للمستشفى تانى يوم الصراحة بس اللى راحو الحسين اتفتشو خمس مرات
بس الأكيد ان هذا لا يمن للإسلام بصلة
وربنا يهدينا يا رب

صيدلانيه طالعه نازله يقول...

Nody-1987:انتى متوقعه ان اللى عمل كده بنى ادم
ازاى واحد يزرع قنبله فى وسط ارواح و يمشى عادى كده و هو عارف ان الناس دى حتموت من غير ذره تأنيب ضمير مش عارفه
ربنا يسامحهم
نورتينى
===================================
الضاحكون:عبده باشا
اكيد الموضوع ليه اغراض كتيره جايز يكون منها ضرب السياحه بس اكيد مش اولها الموضوع ليه اطراف كتيره و اسباب عديده
ربنا يستر
===============================
Mayada:اعتقد ان الناس يأست من زمان و مبقاش يفرق معاها الانفجارات و الكلام الفاضى ده كل اللى يهمها انها تلاقى اكل تأكله و مواصله تركبها و حته فاضيه تتكوم فيها عشان تنام
=================================
رئيس جمهوريه نفسى : شكرا جدا على تعبك و نرده فى الافراح انشاء الله
===============================
Funky doctor:احسن حاجه عملتها انك مروحتش اصلها مش ناقصه بهدله و قله قيمه

رئـــــيسـة حزب الأحلام يقول...

فعلا اكيد اللى عمل الحاجة دى لا مسلم ولا اى ديانة اصلا لانه فعلا عمل اجرامى وحاجة كدة للتشويه ليس الا
وربنا يسترها علينا
تحياتى لكى

صيدلانيه طالعه نازله يقول...

رئيسه حزب الاحلام:طبعا لا يمتوا للاسلام لانه دين امن و امان و هما بيهدوا باعمالهم كل تعاليمه
نورتينى كما انت دائما