الخميس، 24 يونيو 2010

ريحه الحبايب

النهارده ده اول بوست اكتبه هنا فى المدونه دى

مش عارفه بجد اذا كنت مبسوطه و لا زعلانه

فرحانه و لا حزينه بس اللى اعرفه انى اضطريت اعمل كده

انا بحب التدوين قوى و مقدرش ابعد عنه لانه المتنفس الوحيد ليا

وسط الضغوط اللى عايشه فيها

معرفتش اكتب ايه النهارده و حسيت ان الاغنيه دى بتمثل حالتى دلوقت

حنين لكل حاجه فاتت.....امل فى كل جديد جاى انه يكون احسن

انا مش حاقفل صيدلانيه طالعه نازله

و فى اول فرصه حاعرف اكتب فيها حاكتب

اعذرونى فى اللخبطه اللى عملتهالكم دى بس ياريت تتابعوا المدونتين

لانى حتيجى اوقات حاكتب فى الاتنين

صيدلانيه دى بنتى الكبيره و محدش بيرمى ولاده ولا ايييييييييه؟؟؟

ادعولى ان الظروف تتحسن و الامور تبقى كويسه

و لغايه ده ما يحصل مكانى الجديد حيكون هنا معاكم ووسطكم

لانى بجد بحبكم

هناك 27 تعليقًا:

adel يقول...

مش عارف ليه فكرتيني بالادباء
(كلهم اولادي) :)
متخافيش محدش يفتن علي بنتك الصغيرة :):)

غير معرف يقول...

متابعينك ... والف مبروك المدونه الجديده

تحياتي

عندما نحب يقول...

ازيك يا عادل
اول كومنت فى المدونه
منورنى يا جميل
مع انى مخنوقه قوى
بس بجد و الله وجودك فرحنى كتير

عندما نحب يقول...

فتاه من الصعيد

منورانى يا بلدياتى
و ده حاجه مش غريبه على الصعايده
و ياريت متحزفيش صيدلانيه عشان حترجع ان شاء الله
و قريب قوى
و حيبقى الاتنين موجودين

منورانى

Ramy يقول...

د/علا

ألف مبرووك

طبعا هنتابع و دى حالة بتيجى لما بتسيبى مكان انتى عشتى فية فترة كبيرة

حفظة كل حاجة فية

اوعى تزعلى منى لان كنت بسأل اقدر اجى المدونة هنا ولا لأ

بس بجد المدونين جاتلهم حالة غريبة اللى قفل مدونتة واللى غير واللى مخنوق وزعلان جدا

خفت انى بجد اخسر ناس انا حبتهم وعزتهم من كتر الخوف مبقتش عارف اتصرف بجد

أرجو تقبل أعتذارى
(:
و أغنية جميلة انا بحبها جدا على فكرة

بس عاوز ابقى اشوفك عندى بقى (:(:

يلا سلام ومستنى الرد

ربنا يوفقك فى مدونتك الجديدة

و يبعد عنك الكائنات الفضائية (:

Unknown يقول...

ولا يهمك
احنا معاكى
مهما تـروووحى

Unknown يقول...

ولا يهمك
احنا معاكى
مهما تروووحى

Single Mummy يقول...

عزيزتى علا
مش عارفة اقولك اية انا الحقيقة مش فاهمة حاجة من كلامك اصل انا احيانا كدة بتصبنى نوبة غباء معتبرة
المهم الظروف اللى عندك وعاوزاها تتحسن ربنا يكرمك وتبقى كل حاجة حلوة وبخير وبعدين يا ست الكل احنا وراكى وراكى ف صيدلانية ولا غيرها لزقة ب غرا
دعواتى ليكى بالراحة والسعادة
تحياتى وقبلاتى

мαησηα يقول...

احسسسسسسسسسسسسسسسن اخر العنقود

بيبقى سكر معقود دى هتبقى احلى

وهتقدرى تتابعى ف الاتنين باذن الله

التدوين ده بجد الحاجة الوحيدة

اللى مش

عايزة خنقة لانه اصلا انتى بتبقى بتحكى

احاسيسك واللى جواكى ومحدش عارف

انتى مين

بقولك شيلى اسم المدونة

القديمة من البوست ده

علشان الناس اللى بيغلسوا عليكى

هناك مايقدروش يوصلوا ل دى عن طريق

جوجل انتى ماتعرفيش الصدفة ممكن

تعمل ايه ؟

علشان تبقى ف المضمون اوك يا حبى

هاتى عيونك الحلوة دى عايزة

اقولك انى بحبك جداااااااا :*

ربنا يصلحلك الحال يارب

لــــ زهــــــراء ــــولا يقول...

مبرووووك ع العتبة الجديدة ياقمر...متابعينك ف الاتنين ياجميلة...واي حاجة تيجي منك بتطمنا عليكِ

لـــولا

Alaasalim2 يقول...

السلام عليكم

مبروك على المدونة الجديده
إن شاء الله تكون متميزة زي التانيه

لــــ زهــــــراء ــــولا يقول...

ابدا كلامى بايه واول تعلق ليا هنا حاسه انى داخله مكان جديد بس مرتاحه فيه يمكن يخص حد من الناس الغاليين على قلبى ويمكن لانى باحب الاستايل ده ويمكن لان فيه ناس جميله فيهم اللى عرفت عن مقربه وفيهم اللى فهمت شخصيته من كلامه ...

مبروك المدونه الجديده وصعب ان الواحد ينسى اول اى حاجه فى حياته يعنى اول حب اول مدونه اول كلمه حلوه بس خلى عندك ثقه ان احلى ايام فى عمرك لسه مش عشتيها واجمل كلام حلو لسه مش سمعتيه واحلى تدوينه لسه مش عملتيها وتوقعى كل الخير يجى لك هناك او هناك او لحد باب بيتك
ايه الرغى ده كله انا اكتشفت انى رغايه اوى اوى

عموووووووور حبيب قلبى باموت فى كل اغانيه وباعشق الاغنيه دى بصفه خاصه وفى جزء فيها بيلمس جوايا مشاعر " كلمتين يتقالوا منه ولا عنه " يعنى اقل حاجه ترضي اللى بيحب بجد

اتمنى لك حياه وسط كل احبائك مليئه بالخير والسعاده وقبل كل ذلك الحب

زهـــــــــراء

momken يقول...

انتى فى اى مكان هايله يا دكتور
ربنا يوفقك مع تحفظى الشديد على اسم المدونه

انا بشوفك حد متفائل ومليان حيويه

حتى صيدلانيه مكنتش وقفه مكنها لاء
دى كانت بتحرك طالعه نازله
يعنى مافيش اى ملل

دمتى فى غايه التجدد

وربنا يجعلها عاتبه السعد عليكى


تحياتى

خواطر شابة يقول...

عزيزتي مبروك العتبة الجديدة وربي يجعلها وش السعد عليك
انا عندي في الريدر المدونتان بالتالي سأعرف جديدك دائما وسأتابعه
دمت بكل ود عزيزتي

وصف الاحساس يقول...

مش مهم تكتبي فين
هنا ولا هناك انشاله علي ورقه نتيجه
المهم ان ال جوا القلب وكاتم علية يخرج منة و يلاقي طريق
اكيد بنحب نفتكر كل حالاتنا وكتاباتنا بس ساعات بتفكرنا باوقات قاسية وساعات باوقات حلوة
مبروك المدونة الجديده
وربنا يرجعك للقديمه علي خير
بس ياريت تخلي لكل واحده اتجاه عشان الاتنين يعيشو
تحياتي

عندما نحب يقول...

Ramy

ربنا يخليك يا رامى و دايما منورنى سواء هنا او هناك
و ان شاء الله اسم المدونه مش حيفضل كده ربنا يسهل و اغيره اما ارتاح نفسيا

منورنى

عندما نحب يقول...

norahaty

ربنا يخليكى يا نورا
و ربنا يديم المحبه دايما

منورانى

عندما نحب يقول...

Single Mummy

ربنا يخليكى يا حبيبتى
و انا عارفه اللى بتقوليه ده و متأكده منه ومش محتاجه انك تأكديه

تحياتى و قبلاتى

عندما نحب يقول...

мαησηα

وحشتييييييينى من هنا لبعد بكره
و نفسى قوى اكلمك
ربنا يكملك الشفا يا حبيبتى و ترجعى تانى ترغى معايا كل يوم
ان شاء الله كل حاجه حتبقى تمام و متقلقيش عليا

منورانى

عندما نحب يقول...

لـــولا وزهـــراء

لولا

متاكده من شعورك يا لولا
و ربنا يخليكى ليا

منورانى

عندما نحب يقول...

Alaa Salim - علاء سالم

ربنا يخليك يا علاء
كلك ذوق

منورنى

عندما نحب يقول...

لـــولا وزهـــراء

طب اقول ايه يا زهرا بعد كل الكلام الجميل ده
وش بيغمز
ههههههههههههههه

فعلا اول حاجه فى اى حاجه بيبقى ليا طعم غير اى حاجه

اما عموووووووووور فده لا نقاش و لا جدال على اى حاجه بيقولها

منورانى

عندما نحب يقول...

momken

ربنا يخليك يا ممكن
كلك ذوق
و متقلقش اسم المدونه مش حيطول كتير على حاله الملل دى
اول ما المود يتظبط الامور حتبقى احسن و الاسم حيتغير بالاحساس حتى لو مغيرتش حروفه

منورنى

عندما نحب يقول...

خواطر شابة

ميرسى ليكى يا نجوى
انتى تشرفى و تنورى اى مكان تزوريه

تحياتى ليكى و لاهل المغرب

عندما نحب يقول...

wasf_elahsas

اسوأ حاجه انك يبقى جواكى كتير و مش قادره تكتبيه

دعواتك بقى ان الامور تستقر و تبقى احسن

تحياتى

Unknown يقول...

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

Unknown يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث