السبت، 26 يونيو 2010

الشوارع الخلفيه


لكل منا شىء يحتفظ به و يكتمه عن الاخرين و لا يحب ان يعرفه احد غيره
شىء ما خاص جدا ....ربما كان سره او حقيقته
و نحن نمضى فى حياتنا حريصين فى الغالب على ان نكون صادقين
فلا نخدع على الاطلاق و نطلب الشىء نفسه من الذين يتعاملون معنا....
ثم.....حين يخيل الينا اننا اصبحنا واضحين و ان كل ما امامنا مستقيم و مبين و مفهوم
اذ بنا ندرك بغته ان فى الاعماق منا اشياء غامضه عديده:حكايا لم ينفذ اليها شعاع
و لم تضىء بعد.....شوارع خلفيه فى نفوسنا هى عالم بأسره غريب عنا
يعيش فيه حلم صغيرجامح لم يتحقق....نزوه ارتكبناها فى وقت ما.....احقاد مبهمه
اطماع.....انفعالات مكبوته او اى شىء اخرلا نتبينه نحن
و لكنه يحكم كثيرا من عواطفنا و تصرفاتنا دون ان ندرى
و الذى يحسب منا انه يقرأ صاحبه كأنما كتاب مفتوح يكتشف فجأه
من خلال كلمه او ضحكه او ربما دمعه ان فى صاحبه اشياء لا تزال مجهوله
تعيش و تنمو خفيه
ذلك اننا لا نصنع من نفوسنا فى الواقع غير الشكل الذى نختاره
و نحبه و نحرص على ان نظهره و يظل منا بعد ذلك مالا حيله فيه....و لا خيار
فى حياتنا حتى فى حياه كل يوم تنتشر الظلال لبعض الوقت
و عندما تسود الظلال فى حياتنا تضطرب الاشياء الثابته و تتميع الحدود....و لا حدود فى
الظلال
مقدمه روايه الشوارع الخلفيه
عبد الرحمن الشرقاوى

هناك 35 تعليقًا:

Ramy يقول...

و عندما تسود الظلال فى حياتنا تضطرب الأشياء الثايتة

ياااااااة دة حقيقى انا مريت بيه

لما مريت بتجربة غير الحب طبعا

تجربة مكنتش احب امر بيها بس الحمد لله

حسيت خلال التجربة دى ان الظلام بدأيسود حياتى لحد ما قررت لا خلاص مينفعش
الثوابت اللى ابتديت افقدها هم أهلى
امى اخواتى عائلتى

محدش يعرف اى حاجة بس انا بدأت أبعد

لحد ما ربنا ساعدنى و قدرت اعدى

بجد مقدمة فوق الممتازة

تسلم أيدك يا دكتورة (:

أحسنتى الأختيار و خلتينى أشتاق أشترى الكتاب
(:

بس على فكرة كلكم معزومين عندى البوست اللى جاى
(:

علشان دة البوست بتاعكم أنتم

ربنا يوفقك يا دكتورة

حالة ملل يقول...

Ramy

و انا بافتح التعليقات عشان اشوف مين اللى علق اتراهنت مع نفسى انه حيطلع رامى
و قد كان

كلنا بتعدى علينا اوقات يسود فيها الظلال و تصبح الرؤيه فيها ضبابيه مشوشه
و المطلوب مننا اننا نحاول نبحث عن اى مخرج قبل ان يسود الظلام لا الظلال

كلامك جميل قوى
و ربنا يوفقك دايما


منورنى

Ramy يقول...

ما هى ميرا وومن قالت دة قاعد على باب المدونة

بس هتيجى أكيد البوست اللى جاى (:(:(:(:

حالة ملل يقول...

Ramy

ههههههههههه
انت كده مش على الباب
انت قاعد مربع جواها

بس بيتك و مطرحك طبعا
نبعت نجيب عشا

Ramy يقول...

كدة تكسفنى هههههههههههههههههه

هو العشى أية النهاردة

لـــولا وزهـــراء يقول...

واضح ان الكتاب حلو اوى فى انتظار باقى قرائتك للكتاب
بالنسبه للبوست بجد مقدمه رائعه وكلام مافيش بعد كده فى الروعه ....

كل واحد عنده سر او يمكن اسرار بيخفيها عن اقرب الناس اليه ويمكن فى زحمة الحياه بينسى هو كمان اسراره الشخصيه وفى وسط السرعه وايقاع الحياه الغير عادى ....

مش كل واحد فينا حريص على ان يكون صادق هناك من يتقن الكذب والتمثيل حتى لا نستطيع ان نفرق بين كلامه الصادق من كلامه الكاذب وهناك من يكذب على طريقة فيلم انا لا اكذب ولكنى اتجمل وهناك من يحوال ان يكذب ولكنه يفشل فى ان يتقن الكذب ....

صعب ان الواحد يعيش صادق لكن مش مستحيل يعنى بقليل من الهدوء النفسى ممكن الواحد يعيش صادق بس عارفه فى بعض الاحيان من كتر ما انتى صادقه اوى مع نفس الناس تفتكر انك كذابه ..

انتى عارفه اصعب سر هو النفس البشريه لان فيها خفيا لا يمكن تصورها او تخيلها بجد

اتكملت كتير ورغم كده حاسه انى لسه جوايا كلام كتير اى فى الموضوع ده

دمتى كالعاده يا علا متالقه ...

زهـــــراء

سمع هوص (Abo 3li) يقول...

بحب اخلي كل حاجة في الشوارع الامامية ... اضمن..

فتاه من الصعيد يقول...

فعلا

ويعتبر العالم الافتراضي اكبر مجال لتفعيل تلك النظريه ..

نظريه رسم شخصياتنا كما نحب...واخفاء ما نريد ..

تحياتي

لـــولا وزهـــراء يقول...

كل واحد عنده سر جوا منه ومدرية
او حقيقة ومداريها عن اقرب الناس اليه


دي حقيقة كل واحد جواه حاجة قافل عليها بقفلمش عايزها تظهر ومش عايز حد يعرف عنها حاجة يمكن ظروف اضطرته لكدة او ضعف شخصية او ضعف ايمان بس هو عارف ان ان حد عرفها عنه نظرتهم ليه هتكون ساعتها قاسية قوي فعشان كدة قرر تكون سر مرمي في بير مقفول عليه ومفتاحة تايه ..المقدمة راااااائعة يا لولة ..تحفة..لدرجة اني قولت هي علا جرالها ايه ديس نضجت قوي فكريا ولغويا بطريقة تخوف اتاريها مقدمة لعبد الرحمن الشرقاوي :d

ربنا يسعد قلبك بكل خير ياقمر الصيادلة

لولا

MR.PRESIDENT يقول...

يارب يجعل سرنا علانيتنا
ولا يفضحنا أمام ..احد
لكل منا سره ..
ولكن ان خرج عن فوه فقد إنكشف المستور
تحياتي .

ميرا ( وومن ) يقول...

مش معقول يا علا المقدمة خطفتني فعلا كل واحد مننا عنده شوارع خلفية

الكلام ده جة في وقتة قوي بالنسبة ليا لأني بقالي فترة عمالة اسأل نفسي لما ندخل الشوارع الخلفية دي هايفضل صاحبها هو هو بالنسبة لينا

والناس اللي عندها مش شوارع خلفية لا مدن في الظلام ياتري جزء منها علي الأقل مستوعب ده ولا لا.

عاملين حساب اليوم اللي هايختل فيه التوازن ويكتشف الأخرين أبواب هذه المدن

أختيار أكثر من رائع

------------------------

رامي

انت جاي بتثبتني هنا في المدونة أنا أديتك كلمة خلاص وقولت أني هاجي البوست اللي جاي إن شاء الله

هو نزل ولا لسه ؟ :))

Single Mummy يقول...

عزيزتى علا
اضطراب الاشياء الثابتة هى المشكلة الحقيقية بس السؤال بأة مش الاشياء الثابتة المفروض تفضل ثابتة ولا تتعرض للأضطراب والا متبقاش ثابتة؟؟؟؟!!!
عموما المقدمة هايلة وتدعو للتأمل وتشغيل الدماغ اللى مش مبطلة شغل اصلا
اختيار رائع كالعادة
تحياتى

حالة ملل يقول...

Ramy

ما قلنا محدش بيتكسف فى بيت اخته

منورنى

حالة ملل يقول...

لـــولا وزهـــراء

صعب ان الواحد يعيش صادق لكن مش مستحيل يعنى بقليل من الهدوء النفسى ممكن الواحد يعيش صادق بس عارفه فى بعض الاحيان من كتر ما انتى صادقه اوى مع نفس الناس تفتكر انك كذابه

ليه بقى يا زهرا صعب ان الانسان يعيش صادق
هو الصدق بقى بالصعوبه دى قوى و لا الكدب هو اللى بقى مباح لدرجه التحليل و عدم تحريمه
يعنى ايه اكدب عشان اتجمل طب ما انا ربنا خلقنى جميل من غير كدب و لا خداع

زهرا
الموضوع ده لو فتحناه مش حنعرف نقفله
انتى عارفه انا و انتى نقاشاتنا دايما طويله و متشعبه

بس بحب رأيك دايما و بستناه

منورانى قوى

حالة ملل يقول...

سمع هوص (Abo 3li)

هو انت فيه منك دلوقت
انت عمله نادره يا ابنى
ممكن احطك فى المتحف حمايه ليك من الانقراض
هههههههههههههههههه

انا بتكلم جد يا فندم
انت من الناس الواضحه قوى
و من كلامك فى مدونتك كلنا عرفناك و احترمناك

منورنى

حالة ملل يقول...

فتاه من الصعيد

فعلا
فى النت سهل قوى ان اللى عايز يكدب يكدب و اللى عايز يرسم شخصيه مناقضه لواقعه
ده مكان مناسب ليه قوى

ربنا يبعد عنى و عنك الكدب و الكدابين

منورانى يا قمر

حالة ملل يقول...

لولا

من حق كل انسان ان يبقى ليه سره الخاص
او اسراره الخاصه من حقه جدا
بس اللى مش من حقه انه يكدب على غيره
و يدعى حاجات مش موجوده عنده
او انه يخبى اسرار او حقائق ممكن تسبب اذى لغيره
كلامى صح و لا غلط

و بعدين ماااااااااااله اسلوبى يا ست هانم
قووووووولى بقى ماااااااااااله

هههههههههههههههههههه

منورانى يا سكره

حالة ملل يقول...

MR.PRESIDENT

امين يارب العامين
كلامك دايما صح و دايما بيعجبنى

منورنى

حالة ملل يقول...

ميرا ( وومن )

انا كمان المقدمه خطفتنى و حسيت بيها قوى

المشكله فعلا ان فيه ناس مش بتبقى واخده بالها من كتر كدبها ان حياتها الحقيقيه كلها بقت شوارع خلفيه و الامامى اختفى فى زحمه ايامها


منورانى يا مرمره

حالة ملل يقول...

Single Mummy

الثوابت الاساسيه فى حياتنا هيا معتقداتنا الدينيه و اللى مش لازم تتغير مهما حصل

تأتى بعدها الثوابت الاقل
و اللى ممكن تتغير حسب تغير اولويات الزمن اللى احنا عايشين فيه
و ده بنضطر ليه عشان نبقى مواكبين للزمن و منبقاش متحجرين و لا متجمدين فى مكاننا

منورانا

momken يقول...

كلام جميل جدا

وبالفعل لكل منا جانب واضح ومضى واخر مظلم

جزىء من حياتنا يحيا فى النور واخر يحيا فى سراديب الاسرار العميقه

ولولا هذا ما كان هناك حد فاصل بين ماهو عام وما هو خاص

انا شخصيا احب ان تكون حياتى الشخصيه
غير متاحه للجميع
فليس لاحد الحق حتى فى قول رائيه فيها فهى خاصه جدا وشخصيه للغايه

اما ما سمحت بنشره فهو عرضه للنقد والرفض والقبول

حين نزلت الرساله على رسول الله صلى الله عليه وسلم
امره الله فى بدايه الامر ان تكون سرا
ثم امره بالجهر

ولو السريه الاولى لما كان هناك دين اصلا
ولولا الجهر ما كان هناك امه مسلمه


البوست رائع
والكتاب جميل جداً


تحياتى

SHAPE YOUR LIFE (ABOALI) يقول...

اولا تهنئة واجبة على المدونة
واهنىء نفسى بمعرفتى بمن يحتضن هذه المدونة

ثانيا
الشوراع الخلفية وتلك المقدمة فى الحقيقة مميزة جدا وتعكس باءحساس صادق ما يدور فى حياتنا
من بعض المتناقضات احيانا وبعض الانحرافات احيانا اخرى

بجد احيى فيكى اختيارك

لانه فعلا كلام جيد
ومن حرص على نقله يستحق منا الشكر وعلامات التقدير

تقديرى

ويكا يقول...

شكرا عن النقل الطيب ده.


انا بصراحه فى الاول قولت ايه اللى حصل لست الداكتوره ، هى المدونه الجديده عملت شغل جاااااامد اوى كده ليه.

بس عموما الله ينور

والف الف مبروك على المدونه الجديده

لـــولا وزهـــراء يقول...

علا


ممكن ارد على جزئية انا لا اكذب ولكنى اتجمل فى ناس بجد بتحاول انها ترسم صوره لنفسها علشان تخدع الاخرين فيها وكل ما كان الانسان ممثل وجدير فى اتقان الدور هتلاقى انه بجد بينجح فى اتقان دوره فى ناس هوايته كده يعنى مثلا اقولك انى متعلمه فى المكان الفلانى ودراستى وشغلى وعربيتى وعيلتى وفجاه مل كدبه باقولها اللى حواليا بيصدقوها وكل كدبه تبنى ورا منها كدبه تانيه وهكذا علشان اتجمل فقط فى عيون الاخرين مش الغرض الكذب على فكره ده مش رايى الشخصى بس فى حياتنا فى ناس كده فعلا وعلى فكره ممكن يعيشوا بينا وهما راسمين لنفسهم استايل فى الحياه واحنا مصدقينهم اوى لاننا عاوزين نصدقهم او يمكن لاننا مش اتعودنا على الخداع وفجاه ممكن الكدب يظهر فى يحظه وتنهار الصوره اللى كانت امامنا ...

بالنسبه بقى لموضوع ان الصدق بقى صعب اه والله العظيم يا علا فى بعض الاحيان اكون باحكى على موقف تلاقى حد يقولى ممكن تحلفى ومره كنت باتكلم مع ناس حد فيهم قال لى اشوف بطاقتك علشان اصدق سنك ومهنتك الاصليه الناس بقيت عايشه على بحر من الكدب مش كل الناس طبعا
ربنا يكفينا شر الكدب والتمثيل فى الحياه ياربى على الرغى اللى انا فيها تقريبا محورمه من الكلام والنت جننى والبى سى هيضرب فى وشى وامتحانتى وقربت مش لاقيه ملجا ارغى فيه غير عند علا فلة المدونات حبية قلبى

ربنا يديم بينا الود والحب فى الله
زهـــــــراء

حالة ملل يقول...

momken

تفسيرك للسر و العلانيه فى نشر الرساله المحمديه اكثر من رائع
بس انت مش معايا ان لو الجانب المظلم طغى على الجانب المضيىء حيتحول لغموض غير مستحب
و فى بعض الاحوال مريب
فيه ناس كتير للاسف كده و بيحسوا بمتعه اما يكتر الضباب حواليهم
بس انا بصراحه مبحبش الشخصيات الضبابيه

نورتنى

حالة ملل يقول...

HAPE YOUR LIFE (ABOALI)

نورت المدونه يا فندم و كلامك كالعاده اكثر من مميز و ده شيىء مش مستغرب عن حضرتك

الشوارع الخلفيه فى حياتنا بقى يرتبط بيها الانحرافات اكتر من المتناقضات
و للاسف دى بقت حقيقه واقعه و ملموسه


ثناءك على المدونه و اصحابها يجعل وجهى يحمر خجلا من الكلام الجميل

منورنى

حالة ملل يقول...

ويكا

نعم يا سى ويكا
هو انا مكنتش باعرف اكتب و لا اختار و انا هناك و لا اييييييييه
انطق
اعترف
هههههههههههههههه

منورنى

حالة ملل يقول...

زهـــــــراء

على فكره يا زهرا العيب مش بيبقى على الشخص اللى بيكدب عشان يتجمل
العيب بيبقى على الناس اللى سابوه يصول و يجول لوحده فى ملعب الحياه
و كانوا كاشفينه من اول لحظه بس مهانش عليهم يجرحوه
هما دول اللى الذنب يقع على عاتقهم

منورانى يا قمره

مهموهـــــــة يقول...

الله يا لولة يا قلبي
كلمات جميلة اوي اوي وبجد بشكرك على اختيارك الجميل ده
بجد رووووووووووووووووووووووووعة والله

حبيبتي يا لولة واحشاني اوي اوي اوي اوي يا غالية
وربنا عالم انتي في بالي علطول وانا افسة بجد اني مقصرة معاكي
بس بجد المدونة الجميلة دي جميلة اوي اوي بس اسمها وجع قلبي واتمنى تحاولي تغيريه يا غالية

ربنا يبعد عنك كل هم وشر وسوء يا رب

خالص حبي وتقديري

ندى الياسمين يقول...

ايه يا بت ده

لسه شايفه اتعليقك دلوقتي اصل انا لسه جايه من السفر

بتغيري الدنيا كلها كده فجأه

طب انتي وحشاني يا بت
هاتصل عليكى نقعد نرغي بس لما صوتي يجي اصل صوتي رايح

ahmed Mohamed يقول...


شركة تصميم مواقع| اشهار مواقع |شركة داما افضل شركة تصميم مواقع | شركة داما شركة سعودية |شركة تصميم مواقع في مكة | مكة | افضل شركة تصميم في مكة | تصميم مواقع في السعودية | تصميم مواقع مدرسة | تصميم مواقع شركات | تصميم صحيفة الكترونية إلكترونية | تصميم موقع احترافي | تصميمات جرافيك | تصميم تطبيقات ايفون| تصميم تطبيقات اندرويد| تسويق الكتروني | شركة تسويق إلكتروني | تسويق بواسطة الإيميلات| تسويق بواسطة رسائل الموبايل

اشهار المواقع | شركة تسويق الكتروني | داما
اكتشف خدمات اشهار المواقع والتسويق الالكتروني المبتكر من شركة داما السعودية
حتي تتمكن من رؤية مستوي تقدم خدمه التسويق الالكتروني الحديث
من خلال شركة داما ...
فاعلم انك متواجد بشكل قوي في محركات البحث المشهورة
ونشاطك او خدماتك في مستوي مرتفع

اطلع علي اخر واهم عروض شركة داما السعودية

عروض التسويق بالبريد الالكتروني
http://www.e-daama.com/mailmarketing-offer.php
عروض الرسائل القصيرة
http://www.e-daama.com/sms-offer.php
عروض تصميم المواقع
http://www.e-daama.com/webdesigen_offer.php

باقات التسويق الالكتروني وتقنيه السيو الحديثة
http://www.e-daama.com/em.php
.

للتواصل والاستفسار :::

info@e-daama.com
sales@e-daama.com
00966566341760

الموقع الرسمي
Web Site http://www.e-daama.com
المدونه الرسميه
Blogger http://www.e-daama.blogspot.com
صفحتنا علي الفيس بوك
Page Facebook http://www.facebook.com/edaamaa
صفجتنا علي لينكد ان
Linked IN http://www.linkedin.com/in/edaama
حساب تويتر الرسمي
Twitter http://www.twitter.com/E_Daama
قناه داما علي اليوتيوب
YouTube http://www.youtube.com/Edaama

E-DAAMA@2013



عبده العمراوى يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

عبده العمراوى يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

عبده العمراوى يقول...

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث

عبده العمراوى يقول...

شركة تنظيف بالرياض

شركة تنظيف فلل بالرياض

شركة تنظيف شقق بالرياض

شركة تنظيف منازل بالرياض

شركة تنظيف خزانات بالرياض

شركة رش مبيدات بالرياض

شركة مكافحة حشرات بالرياض

شركة مكافحة النمل الابيض بالرياض

شركة كشف تسربات المياه بالرياض

شركة عزل خزانات بالرياض

شركة نقل اثاث بالرياض

شركة نقل اثاث