كل سنه و انت حلوه

ياااااااااااااااااااه اد ايه الوقت بيعدى بسرعه زى دلوقتى من سنه تلقيت اول تعليق

فى مدونتى الجديده و كانت التدوينه عن عصام الحضرى بعد هروبه العظيم من الاهلىو التعليق

كان من فرجينيا صاحبه مدونه جواز و اتجوزنا ........قد ايه فرحت بيه ساعتها و مازالت هذه

الفرحه تلازمنى كلما فتحت المدونه و لقيت تعليق جديد و الفرحه بتبقى اكتر اما حد اول مره يعلق عندى

و فاكره كمان اول مره اتشتمت فى المدونه و كانت من واحد حتى مش فاكره اسمه و كان بيشتم كل

اللى رد عند نواره على بوست معين و فاكره انى اتضايقت جدا و اتصلت بآبى عشان اعرف ازاى امسحهم

و بصراحه ساعدتنى كما هى دائما

باوجه شكرى لكل الناس اللى شجعتنى و شرفتنى و علقت عندىو على رأسهم زوجى العزيز

الغير معرف لكم و ناس كتيييييرتانى مش حاكتب اسامى لانهم كتير و اى حد زارنى قبل كده

يعتبر الكلام موجه ليه

شكر خااااااااص جدا لمفروسه حبيبتى و اقولها الف سلامه عليكى

اما مشكلتى اللى نفسى احلها انى اقدر اتواجد معاكم بصوره اكبر و اكتر بس للاسف الوقت مش مساعدنى

عشان كده ساعات باقعد وقت كتير مختفيه و مش بقدر حتى ازور مدونات مجرد زياره

فارجوكم ادعولى انى اقدر انظم وقتى مش علشان المدونه بس لا فى حياتى كلها و ربنا يسهل انشاء الله

مره تانيه كل سنه و انتى طيبه يا مدونتى و كل سنه و اصحابك اللى قدك و اللى اكبر منك

بالف صحه و سعاده

و الله حرااااااااااااااام

كل ما نقول الامور استقرت تيجى حاجه تنكد علينا

و عمالين نقول ازمه اقتصاديه و كساد و تيجى حادثه بشعه زى دى

تدمر الامل اللى باقى و بدل ما نحل مشاكل الناس اللى القطاع الخاص سرحهم

نضيف عليهم كمان الناس اللى حتتضررمن الركود السياحى اللى حيحصل بسبب الحادثه دى

مش ممكن اللى عمل الحادثه دى يكون مصرى اولا و لا حتى مسلم متعصب

لان اى واحد جاهل و عبيط عارف قدسيه المكان ده و عارف انه غالى علينا كلنا

على اختلاف ديانتنا و معتقداتنا و بعد الحادثه دى حترجع البلاد الاجنبيه تحذر من الذهاب لمصر

و انها منطقه خطره و انها و انها وانها طبعا كلنا عارفين

اللى فجر القنبله دى مفكرش ان المصريين هناك اكتر بكتير من الاجانب

طب مفكرش ان ممكن حد من قرايبه او اصدقاءه يكون ماشى فى المنطقه

لا و اللى يغيظ ان الاخوه اللى بيكرمونا بكلامهم فى القنوات المختلفه

اللى يقول حادث فردى و اللى يقول زوبعه و اللى يقول بنستنكر و نشجب

طب بعد كل الكلام ده استفدنا ايه ما المصيبه حصلت خلاص

واحد من شهود العيان قال المنطقه متأمنه ازاى و الشحاتين و المتسولين

ماليين المكان طب مش ممكن يكونوا من الجناه

و اللى يغيظ ان الناس كلها اجمعت ان كان فيه سيدتين منقبتين ماشيين

فى المنطقه قبل الحادث مباشره يعنى الناس اللى فى الشارع كانت عارفه ان فيه

حاجه حتحصل فركزوا قوى مع الستات دول و كانوا شايلين ايه؟؟؟؟؟؟؟؟؟؟؟؟؟؟!!!!!!

حاجه عجيبه فعلا

للاسف الحادث على الرغم من قله ضحاياه الحالييييين الا ان ضحاياه الاتييييين حيزيدوا مع الوقت

ربنا يستر و يعدى الازمه دى على خير و سلام

و عايزه اقول لضيوفنا القتلى و المصابين سامحونا مقدرناش نحميكمملحوظه:الصوره مأخوذه من مدونه ادهم2009 اللى اخدها من رويتر

و الله لاروح لشفيقه بيئه

طبعا معظمكم شاف فيلم تيمور و شفيقه بتاع منى زكى و احمد السقا

و عارفين ان شفيقه كانت فى الفيلم وزيره للبيئه و من هذا المنطلق احب احكيلها

اللى حصل معايا و تبقى هيا توصله للسيد بيئه الموجود حاليا او من يقوم بمقامه

يوم الجمعه كنت انا و الاسره السعيده مقضيين اليوم عند حماتشى و اوعى حد

يقولى حماتك و ليه و حد يروح لحماته برجليه لان ده مش موضوعنا اصلا

وراجعه بقى بعد يوم حلو وضاربه كشرى عند طنط يعنى من الاخر عامله

دماغ حلوه و مش عايزه حد يطير لى الحجرين قصدى البصلتين و الدقه و

الحمص و الحاجات الشريره دى اللى بتبقى مع الكشرى دى و رجعنا البيت

و احنا بنركن بالعربيه حاسه ان الدنيا سحب و غيوم و ان المطر خلاص حيرخ

وريحه غريبه كده زى مايكون حد ولع فى نفسه من اى حاجه و ما اكثرها

كل ما اقرب من العماره احس الريحه بتزيدو تزيد و تزيييييييييييييييييييييييييييييد

و انا طالعه السلم حاسه الريحه بتقرب اكتر واكتر قلت بس انا نسيت حاجه على

البوتجاز و الشقه بقى ولعت و كده بس اللى طمنى ان جوزى طلع قبلى

و مستنياه يطلع يصرخ فيا و يجرى من الدخان لقيته فضل فى الشقه وولع

التلفزيون عادى يعنى و الامن مستتب و بكده اطمنت اكتر

بس الريحه برضه وحشه و مدخنه جوه الشقه

وانا نازله اجيب حاجه نسيتها فى العربيه باضرب بعينى من المنور

لقيت حريق مهوول و لا حرائق غابات كاليفورنيا النار كانت واصله للدور

التالت للعماره اللى قصادها النار طب الناس دول لو عندهم حريقه مطلبوش

المطافى ليه ؟؟؟؟!!!!!!! طب مستحملين الدخان ده ازااااااااااااااااااى؟؟؟؟؟!!!!!

دا انا اللى بينى و بينهم 4 عمارات حاموت امال هما عاملين ايه؟؟؟؟؟؟؟؟؟؟

افتكرت انا ان الناس دول عمارتين جنب بعض و عنده طيور و معيز و حاجات

عجيبه كده عايشه معاهم قوم ساع ما ينضفوا بقى بيعملوا اييييييييييييييه؟؟؟؟

يروحوا يلموا الزباله و ريش الفراخ و الحمام على فضلات الحيوانات

على شويه جاز و كبريته وولع فى الدنيا مش عايزه اقولكم الدخان كان قد ايه

قصاد العماره و هما جواها عادى جداااااااااااااااااا

المهم تانى يوم واحدواحد من الاسره المحترمه دىجه يشترى دوا و باقوله

حرام عليكم القرف اللى عملتوه ده و الغسيل باظ و ريحه الشقق اللى بقت

بشعه بصللى و قاللى يعنى نستاهل اننا بنضف الدنيا من الناموس و الزباله

لا و متأثر قوى من كلامى و انى ظالماهم و لك يوم يا ظالمه

انا كل اللى عايزه اعرفه هما كانوا مستحملين كده ازاااااى

طب هما كانوا موجودين فى البيت و لا ولعوها و سابونا نولع معاها و خرجوا

يغيروا جو و كده يعنى على اساس ان الجو عندنا يعععععععععع ملوث

حد يقوللى ابلغ شفيقه و اللا اللى جابو شفيقه و لا ميييييييييييييييييييييييييييين

يا جماعه دى ازيه و ضرر فظيييع للاطفال و الكبار و الله الحيوانات

كمان اكيد بتتضر بس احنا مش واخدين بالنا و قال ايه نظافه

ياخى عنها ما نضفت و خليها زباله زى ما هيا احسن

مش كده و لا ايه

سرقوا العيل يا محمد لكن بزازته معاااااااااااايا

مش عارفه اقول ايه و الله غير انها فعلا مصيبه مصيبه بكل ما للكلمه من معنى

صحيح اننا اخيرا نجحنا نصدر لامريكا حاجه بس للاسف صدرنا عيال مسروقه ومتهربه

الحكايه ان النائب العام احال 11 طبيب مصرى و ممرضتين و شويه زباله تانيين منهم محاسب كبير فى

بنك مشهور للنيابه و اغلق مستشفى فى جسر السويس بتهمه بيع الاطفال لاشخاص حاصلين على جنسيه

امريكيه سواء بالاقامه و بالزواج من امريكى و تم القبض على سيده امريكيه فى المطار ومعاها ولد

وبنت و ادعت انها انجبتهم فى مصر و مع الضغط اعترفت انها اشترتهم عن طريق وسطاء

فى المستشفى الفلانى و انها اشترتهم حسب تسعيره متفق عليها و هى البنت8 الاف جنيه و الولد 14 الف

و تصل الى 25 الف مش عارفه بتتحدد بايه؟؟؟؟؟؟؟؟؟؟؟؟يظهر حسب العنين سواء خضره و لا زرقه و

الشعر اسود و لا اصفر شفتوا المسخره و شفتوا احنا رخااااااااااااااااص اد ايه

الست اعترفت ان الموضوع ده متفق عليه من خلالوسطاءموجودين برضه فى امريكا و كندا و بياخدوا

عمولات و سمسره و ان الاطباء بياخدوا الستات الحوامل سفاحا و الفقرا اللى مش قادرين يصرفوا على

ولادهم و بيعتنوا بيهم و بيولدوهم و بياخدوا العيال فريش منهم عشان الموضوع يبقى مسبوك

و ساعات بيكون الاتفاق على الست من اول الحمل وواخده دفعه حجز و دفعه استلام و دفعه تأكيد حجز و

كده يعنى زيها زى الشقق التمليك بالضبط

المصيبه ان السفاره الامريكيه اول من ابلغ عن هذا الموضوع و هى اللى بسببها قامت التحريات

الى ان تم الايقاع بالعصابه

طبعا مش عايزين يوسخوا الشعب بتاعه بالغبا المصرى و العربى المعتبر و اللى مفيش منه اتنين

و وزاره الصحه هنا طبعا مش فاضيه ليها اهتمامات اخرى

الموضوع من اوله لاخره فضيحه و حاجه تكسف بس الحمد لله اهوا تصدير برضه ميفرقش اذا كان

رز و عسل و لا كلاوى و قلوب و عيون و عيال فوق البيعه نحمد ربنا برضه انهم بيربوا لنا عيالنا

و رضيوا بيهم على علتهم

المصيبه انى سمعت الموضوع ده فى الاذاعه فى برنامج هنا القاهره و الضيف لافض فوه مستغرب

من تغير السلوك و العادات عند المصرين و مستغراااااااااااااااب ان المصريين وصلوا لمرحله بيع الاطفال

الا صحيح ليه هما بيبيعوا عيالهم؟؟؟؟؟؟؟؟؟؟؟!!!!!!!!!!!!!!لانهم باعوا قبلها كلوتهم و جزء من كبدهم و

باعوا دمهم و هدومهم و مافضلش غير عيالهم قالوا و ايه يعنى بالمره يعنى جت على دى

و الله من امبارح و الموضوع ده مش عارفه استوعبه و لا افهمه

وطبعا الحكايه قبل ما تتكشف فلت منها كتييييييييييير نجحت معاهم الصفقه...............

مش عارفه اقول ايه غير حسبى الله و نعم الوكيل

يوم تحفه

اولا كل سنه و انتم جميعا بخير و لو انها متأخره قوى بس و الله الكمبيوتر كان فيه حاجه مش مضبوطه

بس الحمد لله اتصلح النهارده حاحكى لكم عن يوم تحفه قضيته فى العيد فى القاهره



طلعت فى دماغى انا و جوزى اننا نعزم اخواته معانا على رحله للقاهره فى العيد و الحمد لله ان الموضوع



اتظبط بسرعه و سافرنا تانى يوم العيد بالليل و يوم الخميس قررنا نروح دريم بارك



بالصراحه الجو فى اليوم ده كان تحفه و انا اول مره اروح هناك فكنت مستمتعه من قبل حتى ما اشوف



اى حاجه المهم دخلنا و اول حاجه دخلناها قطار الظلام و بعد ما وقفنا فى الطابور فوجئنا بامه لا اله الا الله



منتظره دورها و فجأه بدأ تخلف الشعب المصرى و لقينا شويه شباب و بنات بينطوا الاسوار



علشان يركبوا الاول طبعا بدأ الناس يعترضوا و ظهر الشهم اللى بدأ يشتمهم و انطلق سيل الشتائم



و هما عادى عادى و بيضحكوا الى ان قال لهم يا فلاحين و هنا انفجر البركان و هاتك ياضرب و دم و



ستات بتصوت و مسخره و فين و فييييييييييييييييين لما جه الامن و خدوهم بره بعد حوالى 10 دقايق شتيمه



و ضرب المهم ركبنا و المشرف نزل بنتى الصغيره و قال مش ينفع قال و انا كنت زعلانه



و بدأ القطر و عينك ما تشوف الا النور ناس تصرخ و ناس تصوت الست اللى جنبى دخلت القطر محجبه



طلعت بشعرها مش عارفه المعجزه دى حصلت ازااااااااااااااى هههههههههههههههه



المهم خرجنا و بنات اخت جوزى قرروا يركبوا الصاروخ وفضلوا يقنعونى اروح معاهم



قلت ابدا انا عندى عيال عايزه اربيهم يمكن انجح و لكنى اشك بصراحه منظر الصاروخ يوجع القلب



المهم ركبوا و نزلوا مبسوطين و فضلنا نتمشى ووصلنا لديسكفرى و دى عباره عن دايره مثبته فى عامود



و العامود بيتحرك على الجانبين بالاضافه لدوران الدايره واتهفيت فى دماغى و قطعت تذكره معاهم



و فضلنا مستنيين و الزحمه كتيره يمكن ساعه راح جوزى صارخ فيا انه زهق و يلا اطلعى المهم عملت



مؤدبه و خرجت و اتمشينا شويه و بعدين رجعنا تانى كان دورنا لسه برضه مجاش المهم اتحايلنا



على عمو اللى بيدخل الناس لغايه ما دخلنى و ياريتنى ما دخلت اللعبه بدأت و لقيت نفسى كأنى فى الخلاط



اه و الله العظيم ده اقل وصف للى حصل الدنيا كلها بدأت تلف و اللى كان فوق بدأ يبقى تحت و الحركه

بدأت تبقى سريعه قوى و الدنيا مش برد لا تللللللج فضلنا كدا يمكن 5 دقايق و انا بقى غمضت عينى

و سبت اللى يحصل يحصل فى الاخر الحمد لله لمست الارض تانى و جوزى بيحكى ان شوزات الناس

كانت بتطيربره المكان خالص و الناس نزلت تدور عليها ههههههههههههههه

نزلنا بنتطوح و بنضحك و مش حاسين باى حاجه و البلاهه مرسومه على وشوشنا

اليوم كان خلص و روحنا و بدأنا نفكر حناكل ايه المهم طلعنا على اول الصحراوى و اتغدينا

و حجزنا سينما و كان فيلم الداده دودى لياسمين عبد العزيز هو ظريف و خفيف يعنى فيلم عيد يبسط الناس

المهم الفيلم خلص و احنا خلاص هلكانين من اليوم الطويل ببص ادامى الاقى القمر طلع فجأه فى وسط

السينما و بصراحه من زمان و السينما المصريه مالهاش غير قمر وااااااحد حسين فهمى تخيلوا بقى

اشوفه بعينى و بينى و بينه مفيش تلاته متر المهم ماكانش حد واخد باله و اول اما قلت الناس سمعونى

و جرى عليه وهاتك يا صور و انا من صدمتى كل اللى قدرت اعمله انى عملتله بااااااااااى راح ابتسم

بشقاوه شاب فى العشرينات و عمللى بااااااى و الناس اتلمت و اتصوروا و عقبال ما قررت اتصور

كان قرر يمشى هوا و لقاء سويدان المدام الجديده له هى حلوه بس هوا على الرغم من انه قرابه السبعين

بس كله حيويه و نشاط و شباب اكتر من المدام و الله و بصراحه ده كان احلى ختام لاحلى رحله

عملتها فى حياتى بصراحه اليوم كله كان تحفه و كلنا ابسطتنا بس لو كنت اتصورت مع سحس كان التاريخ

بالنسبه ليا بدأ يتكتب من جديد و جايز كان ممكن يكتشفنى كموهبه فذه مستفذه

بس حنقول اييييييييييييه بقى ارزااااااااااااااااااااااااااااااق

عاااااااااااااااااااااااااااااااااااااااااااااااااااااا

انا و بسبس و بس

بصوا بقى يا جماعه حاحكى لكم حكايه و

عايزاكم تلاقولى حل ليها ربنا يخليكم

و ميوقعكمش فى زنقه ابدا قادر يا كريم

من كام يوم كده بعد الولاد ما ناموا خرجت

انا و جوزى نجيب شويه طلبات

و انا فى السوبر ماركت بعد ما اشتريت

طلباتى عينى لمحت تلاجه الايس كريم باضرب بعينى كده لمحت حبى الاول و الاخير نايم جواها اللى هوا طبعا

ايس كريم ميجا (طبعا ده اعلان لنستله على المتغطى كده و مش مشكله نتحاسب فى الاخر)هههههههههه

قلت يا بت دلعى جوزك و اهو سته جنيه مش خساره فيه رحت اشتريته و رحنا ناكله على الكورنيش

و اهى فرصه نحب فى بعض شويه بعيد عن اولادى اللى فى البيت

لسه باكل اول قطمه لقيت قطه ما اعرفش طلعت منين اقل ما يقال عليها انها قمر و تحسوا انها الاميره المسحوره

بتاعه حكايات زمان شعرها اصفر و عينيها تحفه وباين يا روحى كانت جعانه قوى

فضلت تلف حوالينا و تطلع لسانها و تتمسح فيا انا و جوزى بطريقه غريبه و انا طبعا قلبى رهيف مش يستحمل

رحت كسرت حته من شيكولاته الايس كريم اللى هوا مش اى ايس كريم و رميتها لها على الارض راحت جاريه

عليها و فضلت تلحس فيها و راحت واكلاها كلها و بدأت تتمسح فيا تانى طبعا جوزى و لا عبرها

كل اللى قدر يعمله انه صورها الصوره اللى فى اول البوست دى و كمل اكل تانى

انا بقى كلت شويه و سبت حته فى العصايه و رميتها لها كلت فيها شويه و بعدين كان فيه شباب معدى زى الغاره

كده راحت خافت منهم و جريت و اختفت دى كانت القصه

المشكله بقى من ساعه الحكايه دى و انا حاسه بحاجات غريبه بتحصل اولها ان فيه كلب فى الشارع عندنا كل

شويه

الاقيه داخل جوه الصيدليه يعنى ابقى برص دوا او بوضب حاجه اتلفت الاقيه فى وشى طبعا اول مره صرخت بس

بس بعد ما اتكرر بقيت اهشه بس و هوا يمشى يظهر حس ان اللى بيعمله غلط بقى ينام جنب باب الصيدليه

بالضبط ابقى باتكلم مع حد على الباب يروح قايم وواقف جنبى و بعد ما ادخل يرجع ينام مكانه

فى قطه بتدخل تنام فى جنينه المنور عندنا مبقتش تخاف منى خالص ابقى داخله العماره الاقيها داخله معايا

عادى كده بلا خوف او خشى و ساعات تستنى اما ادخل و تدخل ورايا و اما ابقى جايه متخافش

زى القطط التانيه و تفضل واقفه باصالى كده و لا تتحرك خطوه انا برضه اما الاقيها استناها تدخل و بعدين اقفل

الباب يعنى بقى بيننا احترام متبادل مبنى على تكافؤ الفرص

هههههههههههههههههههههههههههه

ايه رايكم بقى فى الحاجات اللى بتحصل دى واللى بدأت الاحظها اليومين دول كتير

اظاهر ان القطه بتاعه الميجا دعتلى و قالت الاهى و انت جاهى يحبب فيكى قططه و كلابه قادر يا كريم

و اظاهر برضه ان الدعوه رشقت

فوائد قوم عند قوم فوائد

عملها اوباما و فاز يارجاااااااااااااااااله و يا ستاااااااااااااااااات

كمان عشان محدش يزعل بصراحه الواحد فرح له خالص كأنه حد

من العيله الكريمه تمااااااااااااااام و الحمد لله ان حرقه دمنا عليه

ما راحش هدر و فرح و فرحنا معاه بس المهم يتمر فيه و يفضل

مفرحنا على طووووول و مينكدش علينا زى الموكوس اللى قبله اللى ما يتسماش

سود الله وجهه

و يارب يحس بشعور الاقليات و الاكثريات المضطهده دائما فى العالم و يحاول انه يكون

سبب شعورهم بالامان و لو حتى كام شهر بس

على العموم هو وشه سمح و شكله طيب و ابن حلال و ربنا يبارك فيه و يبقى اسم على

مسمى

طبعا بعد الباشا ما فازكل الدنيا هللت و عمت الافراح الديار و الساقع اتفتح و الشربات اتبل

طبعا و احنا فى ديك الساعه لما باراك ابن الحاج حسين اوباما يبقى رئيس امريكانا سخصيا

فى وسط هذه الافراح العارمه اختفت حاجات كتيره كانت قارفانى يوميا

اهمها بالنسبه لى مغامرات الاخت المرحومه سوزان هانم تميم و اللى بصراحه كانت

وصلت لمرحله مذريه و مخجله

مالنا احنا و مال تقرير الطب الشرعى حيفرق معانا ايه لما نعرفه يعنى ؟؟؟؟؟!!!!!!

ايه اللى استفدناه لما عرفنا انها عامله عمليات تجميل و لا انها حاطه خصلات صناعيه

و لا السليكون اللى حطاه كام كيلو ؟؟؟؟؟؟!!!!!!!

هل اللى عرفناه زودنا فى المرتب و لا رخص اسعار السكر و الزيت؟؟؟؟؟؟؟؟

طبعا ولا حاجه من دى حصلت بس الحمد لله اتلهينا شويه كتييييييييييير فى الهيافه

و شاركنا فى انتهاك حرمه انسانه هى الان فى زمه الله و ربنا بس هو اللى المفروض

يحاسبها مش احنا

فى وسط كل ده كان فى انسان تانى فى الجهه الاخرى من العالم بيكافح عشان يقول انه

موجود و عشان يفتح الطريق قدام ناااااااااس كتيييييييييير قوى زيه و بغض النظر

عن اننا معاه او ضده هو مثل يستحق الاحترام و التقدير

و ياريت يطلع عند حسن ظن العالم كله و يحسن الصوره اللى بقت للاسف وحشه قوى

مبرووووووووووووووووووووووك اوباما